اسلام آباد۔20مئی (اے پی پی) چیئرمین سینیٹ سید یوسف رضا گیلانی نال ترکیہ دے وزیر خارجہ ہاکان فیدان پارلیمنٹ ہاؤس اچ ملاقات کیتی جئیں اچ ݙوپاسہ تعلقات، آپسی دلچسپی دے بین الاقوامی اتے علاقائی معاملیاں تے ڳالھ مہاڑ کیتی ڳئی۔ سینیٹ سیکرٹریٹ موجب چیئرمین سینیٹ سید یوسف رضا گیلانی آکھیا جو ترکیہ برادر اسلامی ملک اے اتے پاکستان اتے ترکیہ وچال ڳھاٹے اتے پائیدار تاریخی رابطے ہن۔ چیئرمین سینیٹ سید …
چیئرمین سینیٹ سید یوسف رضا گیلانی نال ترکیہ دے وزیر خارجہ ہاکان فیدان دی ملاقات، ݙوپاسہ تعلقات، آپسی دلچسپی دے بین الاقوامی اتے علاقائی معاملیاں تے ڳالھ مہاڑ
مزید خبراں
اسلام آباد۔20مئی (اے پی پی) چیئرمین سینیٹ سید یوسف رضا گیلانی نال ترکیہ دے وزیر خارجہ ہاکان فیدان پارلیمنٹ ہاؤس اچ ملاقات کیتی جئیں اچ ݙوپاسہ تعلقات، آپسی دلچسپی دے بین الاقوامی اتے علاقائی معاملیاں تے ڳالھ مہاڑ کیتی ڳئی۔ سینیٹ سیکرٹریٹ موجب چیئرمین سینیٹ سید یوسف رضا گیلانی آکھیا جو ترکیہ برادر اسلامی ملک اے اتے پاکستان اتے ترکیہ وچال ڳھاٹے اتے پائیدار تاریخی رابطے ہن۔ چیئرمین سینیٹ سید یوسف رضا گیلانی بطور وزیر اعظم پاکستان آپݨے یادگار دورہ ترکیہ دا وی ذکر کیتا۔ چیئرمین سینیٹ آکھیا جو ترک تاجر پاکستان اچ اڄوکی سرمایہ کاری دے موقعیاں توں فیدہ چاون۔ ترک وزیر خارجہ ݙوپاسہ تعلقات کوں نویں پابندیاں تئیں پڄاوݨ کیتے ترکیہ دے عزم دا اعادہ کیتا۔ انہاں غزہ اچ جنگ بندی کیتے کیتی ڳئی کوششاں بارے ݙسیا۔ ایں موقع تے سینیٹرز عرفان صدیقی، شیری رحمان اتے سیکرٹری سینیٹ اتے سید حسنین حیدر وی موجود ہن۔
