چینی لوکاں دی سکیورٹی اتے تحفظ اساݙی پہلی ترجیح اے، احسن اقبال

اسلام آباد۔21مئی (اے پی پی) وفاقی وزیر برائے منصوبہ بندی، ترقی ، اصلاحات تے اقدامات احسن اقبال آکھیا جو چینی لوکاں دی سکیورٹی اتے تحفظ اساݙی پہلی ترجیح اے۔ کوشش کیتی ونڄے جو معدنیات کوریڈور دا معاہدہ جے سی سی اچ طے تھی ونڄے، ایم ایل ون دی ویلھے تے شروع کرݨ کیتے باقاعدہ ٹائم لائن ٻݨائی ونڄے۔ اے ڳالھیں انہاں آپݨے صدارت اچ سی پیک فیز 2 اتے 13ویں جوائنٹ کو آپریشن کمیٹی دے جائزہ اجلاس اچ آکھی۔ اجلاس اچ سیکرٹری منصوبہ بندی اویس منظور سمرا، ایڈیشنل سیکرٹری وزارت منصوبہ بندی، مختلف وزارتاں دے اعلی حکام اتے وفاقی تے صوبائی وزارتاں دے نمائندے شریک تھیے۔ اجلاس اچ ایں ہفتے آن لائن تھیوݨ آلی جے سی سی دی تیاریاں تے وزارتاں دے اعلیٰ حکام کوں تفصیل نال بریف کیتا ڳئیا۔ اجلاس اچ مواصلات، سکیورٹی، انفراسٹرکچر، توانائی تے اقتصادی ترقی اتے زراعت دے منصبوبیاں تے ڳالھ کیتی ڳئی۔