نائب وزیراعظم اسحاق ڈار اتے تاجکستان دے وزیر خارجہ سراج الدین دی ملاقات، کاسا۔1000 ، ٻئے رابطہ کاری منصوبیاں تے جلدی عملدرآمد بارے ڳالھ مہاڑ

آستانہ۔21مئی (اے پی پی) پاکستان اتے تاجکستان ݙوہیں ملکاں اتے خطے دے آپسی فیدے اتے علاقائی جڑت کیتے کاسا۔1000 ، ٻئے رابطہ کاری منصوبیاں تے جلدی عملدرآمد تے زور ݙتے۔ نائب وزیراعظم اتے وزیر خارجہ اسحاق ڈار اتے تاجکستان دے وزیر خارجہ سراج الدین مہردین وچال 20 توں 21 مئی تئیں تھیوݨ آلے شنگھائی تعاون تنظیم دے وزرائے خارجہ کونسل دے اجلاس دے موقع تے ملاقات اچ ݙوپاسہ تعلقات اتے منصوبیاں تے ڳالھ مہاڑ کیتی ڳئی۔ ݙوہیں وزرائے خارجہ ݙوپاسہ تعاون اتے اعلیٰ سطح دے مذاکرات ودھاوݨ دا عزم کیتے۔