اسلام آباد۔21مئی(اے پی پی):وزیراعظم محمد شہباز شریف جرمنی نال ݙوطرفہ تجارت و سرمایہ کاری ودھاوݨ دی لوڑھ تے زور ݙیندے آکھیے جو پاکستان اچ جرمن سرمایہ کاری ودھݨ دے ودھ امکانات ہین، ݙوہیں ملک متبادل توانائی، صنعت، معدنیات، آئی ٹی، زراعت، موسمیاتی تبدیلی اتے ٻئے شعبیاں اچ ڳانݙھا تکڑا کرݨ چاہندن۔ او اسلام آباد اچ ملݨ آوݨ آلے جرمنی دی این جی او گلوبل بریجز، برلن دے وفد نال الیندے …
وزیراعظم شہباز شریف نال جرمنی دی این جی او گلوبل بریجز، برلن دے وفد دی ملاقات
اسلام آباد۔21مئی(اے پی پی):وزیراعظم محمد شہباز شریف جرمنی نال ݙوطرفہ تجارت و سرمایہ کاری ودھاوݨ دی لوڑھ تے زور ݙیندے آکھیے جو پاکستان اچ جرمن سرمایہ کاری ودھݨ دے ودھ امکانات ہین، ݙوہیں ملک متبادل توانائی، صنعت، معدنیات، آئی ٹی، زراعت، موسمیاتی تبدیلی اتے ٻئے شعبیاں اچ ڳانݙھا تکڑا کرݨ چاہندن۔ او اسلام آباد اچ ملݨ آوݨ آلے جرمنی دی این جی او گلوبل بریجز، برلن دے وفد نال الیندے پئے ہن۔ وفد اچ گلوبل بریجز دے چیئرمین بورڈ آف ڈائریکٹرز ہینس ایلبرٹ، چیف ایگزیکٹو آفیسر نکولس البرچٹ اتے جرمنی دے کاروباری افراد اتے سرمایہ کار شامل ہن۔ ایں موقع تے پاکستان اچ جرمنی دے سفیر الفریڈ گرینیس، وفاقی وزیر تجارت جام کمال خان، وفاقی وزیر صنعت و پیداوار رانا تنویر حسین، وفاقی وزیر اطلاعات و نشریات عطاء اللہ تارڑ، وزیر مملکت برائے انفارمیشن ٹیکنالوجی و ٹیلی کام شزا فاطمہ اتے متعلقہ اعلیٰ سرکاری افسران وی موجود ہن۔
