پاکستان ’’ون چائنا ‘‘ اصول تے پکا یقین رکھیندے، صدر آصف علی زرداری دا چینی میڈیا کوں انٹرویو

اسلام آباد۔22مئی (اے پی پی) صدر مملکت آصف علی زرداری آکھیا جو پاکستان ہمیشہ تاریخ دے صحیح رخ تے کھڑے رہݨ دا راہ چݨدیں ہوئیں پاکستان ’’ون چائنا ‘‘ اصول تے پکا یقین رکھیندے۔ چین اتے پاکستان وچال سفارتی تعلقات دی 73 ویں سالڳنڈھ تے بدھ کوں چھپݨ آلے چینی میڈیا کوں انٹرویو اچ صدرآکھیا جو پاکستان عوام چین نال غیرمشروط محبت کریندن۔ واضح راہوے جو مارچ اچ ݙوجھی واری صدرمنتخب تھیوݨ دے بعد کہیں وی غیرملکی میڈیا نال صدرزرداری دی اے پہلے ڳالھ مہاڑ ہئی۔ ݙوہیں ملکاں دے سابق رہنماواں وچال رابطے کوں یاد کریندیں ہوئیں صدر آصف زرداری آکھیا جو میݙے مرحوم سوہرا، پاکستان دے سابق وزیر اعظم ذوالفقار علی بھٹوقوم توں آکھیا ہئی جو مشرق آلے پاسے ݙیکھو، چین آلے پاسے ݙیکھو، صدرمملکت آصف زرداری، جنہاں پاکستانی صدر دے طور آپݨی پہلی مدت اچ نو واری چین دا دورہ کیتا ہئی۔ ’تائیوان دی آزادی‘‘ دی کہیں وی شکل کوں مسترد کریندیں ہوئیں ون چائنا اصول کوں منݨ دے پاکستان دے موقف دا اعادہ کیتے۔ انہاں آکھیا جو تائیوان چین دا حصہ اے۔ چین پاکستان اقتصادی راہداری (سی پیک) دے نقطہ آغاز، گوادر پورٹ دی ترقی تے تبصرہ کریندیں ہوئیں آصف علی زرداری آکھیا جو 11 سال پہلے سی پیک دے آغاز دے بعد توں گوادر پورٹ تے ٻہوں ودھ کم تھی ڳئے۔