اسلام آباد۔22مئی (اے پی پی):وزیراعظم محمد شہباز شریف آکھیے ملک اچ آئی ٹی دے ودھارے ، آئی ٹی برآمدات ودھاوݨ تے سٹارٹ اپس کوں سہولتاں ݙیوݨ دے حوالے نال آئی ٹی پارکس دا قیام بہوں چنڳی ڳالھ اے ، اسلام آباد آئی ٹی پارک دی تعمیر دا کم وختی مکمل کیتا ونڄے ۔وزیر اعظم کوں ݙسایا ڳئے جو جنوبی کوریا دے تعاون نال اسلام آباد آئی ٹی پارک دا منصوبہ …
اسلام آباد آئی ٹی پارک دی تعمیر دا کم وختی مکمل کیتا ونڄے، وزیر اعظم شہباز شریف دی آئی ٹی پارکس بارے اہم اجلاس اچ ہدایت
اسلام آباد۔22مئی (اے پی پی):وزیراعظم محمد شہباز شریف آکھیے ملک اچ آئی ٹی دے ودھارے ، آئی ٹی برآمدات ودھاوݨ تے سٹارٹ اپس کوں سہولتاں ݙیوݨ دے حوالے نال آئی ٹی پارکس دا قیام بہوں چنڳی ڳالھ اے ، اسلام آباد آئی ٹی پارک دی تعمیر دا کم وختی مکمل کیتا ونڄے ۔وزیر اعظم کوں ݙسایا ڳئے جو جنوبی کوریا دے تعاون نال اسلام آباد آئی ٹی پارک دا منصوبہ اڳلے سال مکمل تھیسی ،2025 اچ پورے ملک اچ 100 نویں ای۔روزگار مراکز اتے 10 نویں سافٹ ویئر ٹیکنالوجی پارک بݨائے ویسن ۔وزیراعظم آفس دے میڈیا ونگ توں جاری بیان موجب وزیراعظم دی صدارت اچ انفارمیشن ٹیکنالوجی پارکس دے حوالے نال اہم اجلاس وزیراعظم ہاؤس اچ تھیا ۔اجلاس دے شرکا نال ڳالھ مہاڑ کریندے ہوئیں وزیراعظم آکھیے آئی ٹی دے ودھارے ، آئی ٹی برآمدات ودھاوݨ تے سٹارٹ اپس کوں سہولتاں ݙیوݨ دے حوالے نال آئی ٹی پارکس دا قیام بہوں چنڳی ڳالھ اے۔ وزیراعظم سافٹ ویئر ٹیکنالوجی پارکس دی کارکردگی دے حوالے نال تھرڈ پارٹی ایویلیوایشن کراوݨ دی ہدایت وی کیتی ۔ اجلاس کوں وزارت انفارمیشن ٹیکنالوجی و ٹیلی کام دی طرفوں آئی ٹی پارکس تے بریفنگ ݙتی ڳئی ۔اجلاس اچ وفاقی وزیر اقتصادی امور احد خان چیمہ ، وفاقی وزیر خزانہ و محصولات محمد اورنگزیب، وزیر مملکت انفارمیشن ٹیکنالوجی و ٹیلی کام شزا فاطمہ،ڈپٹی چیئرمین پلاننگ کمیشن جہانزیب خان ، وزیراعظم دے کوآرڈینیٹر رانا احسان افضل اتے متعلقہ اعلیٰ سرکاری افسراں شرکت کیتی ۔
