آرمی چیف جنرل سید عاصم دیاں اعلی جرمنی فوجی و سول قیادت نال ملاقاتاں

راولپنڈی۔ 23 مئی (اے پی پی):پاک فوج دے سربراہ جنرل سید عاصم منیرسرکاری دورے تے جرمنی پڄ ڳن۔ اعلی جرمنی فوجی و سول قیادت نال وی او ملین اتے مختلف معاملیاں تے الائے۔ جرمنی وفاقی وزارت دفاع اچ چیف آف ڈیفنس جنرل کارسٹن بریور آرمی چیف کوں جی بسم اللہ آکھیے اتے جرمن مسلح افواج دے دستے انہاں کوں گارڈ آف آنر ݙتے۔ آرمی چیف جرمن فوج دے سربراہ لیفٹیننٹ جنرل الفونس ماس نال ملین۔ انہاں جرمن آرمی چیف دے نال آرمی کامبیٹ ٹریننگ سینٹر گارڈلیگن دا دورہ کیتے جتھاں انہاں کوں سنٹر دے مختلف شعبیاں، جرمن فوج اتے افواج دے دستیاں کوں ݙتی ونڄݨ آلی تربیت تے بریفنگ ݙتی گئی۔ انہاں شہری جنگ تے ہک مظاہرہ وی ݙٹھے اتے مختلف تربیتی سہولیات دا دورہ کیتے۔ آرمی چیف وفاقی چانسلر دے خارجہ پالیسی و سلامتی دے مشیرجینزپلوٹنر، وزیر مملکت امور خارجہ ٹوبیاس لنڈر اتے وزارت دفاع اچ ریاستی سکریٹری نیل ہلمر سودھا ٻیاں سول تے عسکری قیادت نال ملاقاتاں کیتن۔ آرمی چیف جرمن آرمڈ فورسز کمانڈ اینڈ سٹاف کالج، ہیمبرگ دا وی دورہ کریسن۔