اسلام آباد۔ 24 مئی (اے پی پی) وفاقی وزیرداخلہ محسن نقوی نال سری لنکا دے ہائی کمشنر ایڈمرل (ر) رویندرا چندرا سری وجے گونارتنے ملاقات کیتی جئیں اچ سری لنکا اچ قید 43 پاکستانیاں شہریاں دی فوری وطن واپسی تے اتفاق سودھے آپسی دلچسپی دے معاملیاں اتے ݙوپاسہ تعلقات ودھاوݨ بارے ڳالھ مہاڑ کیتی ڳئی۔ سری لنکن ہائی کمشنر پاکستانی قیدی شہریاں دی فوری وطن واپسی بارے تعاون دا یقین …
وفاقی وزیرداخلہ محسن نقوی نال سری لنکن ہائی کمشنر دی ملاقات، 43 قید پاکستانیاں دی واپسی تے اتفاق
اسلام آباد۔ 24 مئی (اے پی پی) وفاقی وزیرداخلہ محسن نقوی نال سری لنکا دے ہائی کمشنر ایڈمرل (ر) رویندرا چندرا سری وجے گونارتنے ملاقات کیتی جئیں اچ سری لنکا اچ قید 43 پاکستانیاں شہریاں دی فوری وطن واپسی تے اتفاق سودھے آپسی دلچسپی دے معاملیاں اتے ݙوپاسہ تعلقات ودھاوݨ بارے ڳالھ مہاڑ کیتی ڳئی۔ سری لنکن ہائی کمشنر پاکستانی قیدی شہریاں دی فوری وطن واپسی بارے تعاون دا یقین ݙوایا۔ وفاقی وزیرداخلہ قیدیاں دی وطن واپسی تے تعاون تے سری لنکن ہائی کمشنر دا شکریہ ادا کیتا۔ وزیر داخلہ محسن نقوی آکھیا جو پاکستانی قیدیاں دی ملک واپسی کیتے انتظامات کوں کجھ ݙینھ اچ چھیکڑی شکل ݙتی ویسی۔ وزارت داخلہ انہاں قیدیاں کوں واپسی ڳھن آوݨ کیتے گزریل ہک مہینے توں سر لنکن حکام نال کم کریندی پئی ہئی۔ وفاقی سیکرٹری داخلہ خرم علی آغا،چئیرمین نادرا لیفٹیننٹ جنرل محمد منیر افسراتے متعلقہ افسراں دے علاوہ سری لنکن ہائی کمشن دے حکام وی ایں موقع تے موجود ہن۔
