سی پیک خطے اچ ھک تبدیلی دی طاقت دے طور تے ابھر تے سامݨے آئے،احسن اقبال

اسلام آباد۔24مئی (اے پی پی):وفاقی وزیر منصوبہ بندی ،ترقی ،اصلاحات وخصوصی اقدامات پروفیسر احسن اقبال آکھیے چین پاکستان اقتصادی راہداری دے اڳلے مرحلے اچ حکومت توں حکومت (جی ٹو جی) تعاون نال کاروبار توں کاروبار (بی ٹو بی ) تعاون آلے پاسے منتقل تھیندے پئن، صنعت کاری، زراعت اتے سائنس و انفارمیشن ٹیکنالوجی اچ اعلیٰ معیار دی ترقی کوں ترجیح بݨاوݨ اے ، ہݨ ویلھا آڳئے جو سرمایہ کاراں اتے مینوفیکچررز کوں خصوصی اقتصادی زونز (SEZs) اچ راغب کیتا ویسی ، گوادر کوں کاروباری ضلع دے طور تے ترقی ݙتی ونڄے تے گوادر اچ اعلیٰ معیار دے سیاحتی مقامات بݨائے ویسن ۔ ایں مقصد سانڳے ،اساں انہاں شعبیں اچ تعاون کوں ودھارا ݙیوݨ سانڳے ھک مفاہمت نامے تے دستخط کرݨ دی تجویز پیش کریندن ۔ سی پیک دے مشترکہ تعاون کمیٹی دے افتتاحی اجلاس توں خطاب کریندے ہوئیں آکھی اے ۔ وفاقی وزیرآکھیے چین پاکستان اقتصادی راہداری (سی پیک ) دے 13ویں جوائنٹ کوآپریشن کمیٹی (جے سی سی ) دے اجلاس اچ خوش آمدید آکھدے ہوئیں ٻہوں خوشی تھیندی پئی اے اے میں سانڳے فخر دی ڳالھ اے میں ہݨ تئیں منعقد تھیوݨ آلے جے سی سی – 13اجلاساں اچوں 10 اجلاساں دی صدارت کیتی اے ۔ میں چین دے نیشنل ڈویلپمنٹ اینڈ ریفارم کمیشن (این ڈی آر سی) اتےسارے وزراء و مالیاتی اداریں دا دلوں شکریہ ادا کرینداں جنہاں دے تعاون تے مسلسل حمایت چین پاکستان اقتصادی راہداری (سی پیک ) کوں عظیم کامیابی بݨائے۔