اسلام آباد۔25مئی (اے پی پی):پاکستان اسرائیل کوں رفح اچ فوجی جارحیت وختی روکݨ دے حکم دے حوالے نال بین الاقوامی عدالت انصاف (آئی سی جے) دے اضافی عارضی اقدامات دا خیرمقدم کیتے جیں اچ اسرائیل کوں انسداد نسل کشی کنونشن دے تحت اپݨی ذمہ واریاں تے وڳڑدے انسانی حالات موجب رفح اچ فوجی کارروائی کوں وختی روکݨ دا حکم ݙتا ڳئے ۔ دفتر خارجہ توں جاری ھک بیان اچ آکھیا …
پاکستان دا رفح اچ اسرائیلی جارحیت روکݨ سانڳے عالمی عدالت انصاف دے حکم دا خیر مقدم
اسلام آباد۔25مئی (اے پی پی):پاکستان اسرائیل کوں رفح اچ فوجی جارحیت وختی روکݨ دے حکم دے حوالے نال بین الاقوامی عدالت انصاف (آئی سی جے) دے اضافی عارضی اقدامات دا خیرمقدم کیتے جیں اچ اسرائیل کوں انسداد نسل کشی کنونشن دے تحت اپݨی ذمہ واریاں تے وڳڑدے انسانی حالات موجب رفح اچ فوجی کارروائی کوں وختی روکݨ دا حکم ݙتا ڳئے ۔ دفتر خارجہ توں جاری ھک بیان اچ آکھیا ڳئے جو پاکستان 1948 دے انسداد نسل کشی کنونشن دے تحت جنوبی افریقہ دی طرفوں اسرائیل دے خلاف آئی سی جے اچ دائر درخواست دی حمایت کریندے ، جیں دی پیروی اچ عدالت اضافی عارضی اقدامات دا اعلان کیتے۔ عالمی عدالت انصاف اسرائیلی قابض حکام کوں حکم ݙتے جو او رفح کراسنگ کوں انسانی امداد دی بلا روک ٹوک فراہمی سانڳے کھلا رکھن تے نسل کشی دے الزامات دی تحقیقات سانڳے کہیں وی تحقیقاتی کمیشن، فیکٹ فائنڈنگ مشن یااقوام متحدہ دے مینڈیٹ دے تحت کہیں ٻئے تحقیقاتی ادارے دی غزہ پٹی تئیں بلا رکاوٹ رسائی یقینی بݨاون ،ترجمان آکھیے پاکستان عالمی عدالت انصاف دے اڄوکے حکم نامے اتے ایندے نال نال 26 جنوری تے 28 مارچ دے احکامات تےغیر مشروط اتے وختی عمل درآمد دا مطالبہ کریندے۔
