وزیرداخلہ محسن نقوی دا شمالی وزیرستان اچ دہشتگرداں دا بہادری نال مقابلہ کریندے شہید کیپٹن محمد اسامہ بن ارشد کوں خراج عقیدت

اسلام آباد۔9جولائی(اے پی پی) وفاقی وزیرداخلہ محسن نقوی شمالی وزیرستان اچ دہشتگرداں دا بہادری نال مقابلہ کریندے شہید کیپٹن محمد اسامہ بن ارشد دی قربانی کوں خراج عقیدت پیش کریندے آکھیے شہید کیپٹن محمد اسامہ جیہے بہادر پتر پاکستان دا ماݨ ہن۔ آپݨے بیان اچ وفاقی وزیر داخلہ آکھیے شہید کیپٹن محمد اسامہ بہادری نال لڑدے آپݨی جان وطن تے نچھاور کرݙتی، شہید کیپٹن محمد اسامہ جان ݙے تے دہشتگرداں کوں جہنم واصل کیتا تے انہاں دے مذموم عزائم کوں ناکام بݨائے ۔ محسن نقوی آکھیے شہید کیپٹن محمد اسامہ جیہے بہادر پتر پاکستان دا ماݨ ہن ، قوم بہادر سپوت کیپٹن محمد اسامہ دی عظیم قربانی ہمیشہ یاد رکھیسی ، سکیورٹی فورسز دے افسراں تے نینگراں آپݨے قیمتی لہو نال امن دی آبیاری کیتی ۔ وفاقی وزیرداخلہ محسن نقوی شہید کیپٹن محمد اسامہ دے گھر آلیں نال دلی ہمدردی تے تعزیت کیتی اے۔