لاہور۔9جولائی (اے پی پی):صدر آصف علی زرداری ملک کوں ترقی دے رستے ٹورݨ سانڳے جامع نقطہ نظر اپناوݨ تے دانشمندانہ مالیاتی پالیسیاں کوں اختیار کرݨ دی لوڑھ تے زور ݙیندے آکھیے معیشت دے مختلف شعبیں، خاص طور تے زرعی شعبے کوں جدید خطوط تے ترقی ݙیوݨ ویلھے دا تقاضا اے ۔ او پروفیسر وارث میر میموریل سیمینار توں خطاب کریندے پئے ہن ۔ ایں موقع تے صحافیاں ، ماہرین تعلیم، …
ملک دی ترقی سانڳے جامع نقطہ نظر تے دانشمندانہ مالیاتی پالیسیاں دی لوڑھ اے ، زرعی شعبے کوں جدید خطوط تے ترقی ݙیوݨ ویلھے دا تقاضہ اے ۔آصف علی زرداری
مزید خبراں
لاہور۔9جولائی (اے پی پی):صدر آصف علی زرداری ملک کوں ترقی دے رستے ٹورݨ سانڳے جامع نقطہ نظر اپناوݨ تے دانشمندانہ مالیاتی پالیسیاں کوں اختیار کرݨ دی لوڑھ تے زور ݙیندے آکھیے معیشت دے مختلف شعبیں، خاص طور تے زرعی شعبے کوں جدید خطوط تے ترقی ݙیوݨ ویلھے دا تقاضا اے ۔ او پروفیسر وارث میر میموریل سیمینار توں خطاب کریندے پئے ہن ۔ ایں موقع تے صحافیاں ، ماہرین تعلیم، سیاسی کارکن اتے سول سوسائٹی دے ارکاں دی وݙی تعداد موجود ہئی ۔صدر مملکت آکھیے میڈیا لوکاں کوں انہاں دی آواز چاوݨ دی طاقت ݙتی اے جݙاں جو اجوکے سالاں اچ میڈیا اچ گروپ بندی وی ݙٹھی ڳئی۔ انہاں چتاوݨی ݙتی اے جو دنیا اچ ھک مضبوط مذہبی لابی مسلم معاشریں اچ ونڈ پیدا کرݨ سانڳے تصورات کوں منظم تے منفی طریقے نال پیش کریندی پئی اے ۔ انہاں آکھیے او آزادی صحافت دے حامی ہن انہاں ہمیشہ میڈیا دی سخت تنقید کوں برداشت کیتے۔ انہاں آکھیے معاشریں کوں ایجنڈے تے مبنی معلومات دے خلاف محتاط رہݨ دی لوڑھ اے ۔صدرمملکت آکھیے زندگی اچ اوکھ تے آزمائشاں دا سامݨا کرݨا پوندے ، جݙاں جو چیلنجز دے سامݨے ثابت قدم رہݨ ٻہوں ضروری اے۔ انہاں محترمہ بے نظیر بھٹو شہید دی جمہوریت سانڳے سیاسی جدوجہد تے قربانیاں کوں زبردست خراج عقیدت پیش کیتے تے آکھیے پاکستان پیپلز پارٹی دی تاریخ دٻاؤ دا مقابلہ کرݨ تے شہادتاں نال عبارت اے اتے اوں ہمیشہ پاکستان اچ جمہوریت دے نصب العین سانڳے جدوجہد کیتی۔ انہاں آکھیے قتل دیاں کوششاں تے سیاسی دٻاؤ ساݙے مشن توں نی ہٹا سڳیے کیوں جو اساں پکا یقین رکھیندوں زندگی تے موت اللہ دے ہتھ وچ اے ۔صدر مملکت مرحوم پروفیسر وارث میر دی جمہوریت اتے صحافت سانڳے خدمات اتے تعاون کوں زبردست خراج تحسین پیش کیتے۔ انہاں فیصل میر اتے حامد میر دی اپݨے والد دی میراث کوں اڳوں ودھاوݨ دی تعریف کیتی سینئر صحافی حامد میر سیاسی انتقام دی ثقافت دے خاتمے اتے 1973 دے آئین کوں ایندی اصل روح موجب اپناوݨ دی لوڑھ تے زور ݙتا ۔سینئر صحافی سہیل وڑائچ مرحوم پروفیسر وارث میر دی صحافت اتے جمہوریت سانڳے خدمات دی تعریف کیتی۔ صدر دی سیاسی حکمت اتے مصالحتی کردار دی تعریف کریندے انہاں آکھیے ملک کوں سیاسی مصالحت دی لوڑھ اے صدر ملک دے سیاسی اتے اقتصادی مسئلے حل کرݨ اچ اہم کردار نبھا سڳدن۔
