زرمبادلہ دے ذخیرے مکاوݨ سانڳے آئی ایم ایف پروگرام کوں کامیابی نال مکاوݨ ضروری اے ، وفاقی وزیر خزانہ

اسلام آباد۔9جولائی(اے پی پی) وفاقی وزیر خزانہ و محصولات سینیٹر محمد اورنگزیب آکھیے زرمبادلہ دے ذخیرے ودھاوݨ سانڳے آئی ایم ایف پر وگرام کوں کامیابی نال مکاوݨ ضروری اے حکومت پاکستان اچ بجلی تے توانائی دے شعبہ اچ اصلاحات تے عمل کریندی پئی اے ، زراعت تےلائیوسٹاک حکومت دی ترجیحات وچ شامل ہن ۔ اے ڳالھ انہاں وزارت خزانہ اچ پاک مٹیاری لاہور ٹرانسمیشن کمپنی تے نیسلے پاکستان دے وفد نال ملاقاتاں اچ آکھی اے۔ پاک مٹیاری لاہور ٹرانسمیشن کمپنی دے صدر تے سی ای او ژانگ لی وفد دی قیادت کریندے پئے ہن ۔ایں موقع تے  ڈپٹی سی ای او ما دیشینگ اتے سی ایف او وانگ بو وی موجود ہن ۔  ژانگ لی سینیٹر محمد اورنگزیب کوں وزارت دا منصب سنبھالݨ دی مبارخ ݙتی تے وکھرے شعبیں اچ اصلاحات تے  ڈھانچہ جاتی نمو و بہتری سانڳے حکومت دیاں کوششاں تے اقدامات دی تعریف کیتی ۔ انہاں چائنا الیکٹرک پاور ایکوئپمنٹ اینڈ ٹیکنالوجی کمپنی لمیٹڈ (سی ای ٹی) تے کئی ملکاں اچ ایندے جاری منصوبیں دا جائزہ پیش کیتا ۔ انہاں وزیر خزانہ کوں مٹیاری-لاہورمنصوبے دی پیشرفت  تے بریفنگ ݙتی ہائبرڈ قابل تجدید توانائیتے  ہائیڈروجن دی پیداوار متعلق پاکستان اچ ممکنہ موقع تے ڳالھ مہاڑ کیتی۔ وفد وزیر خزانہ کوں نیشنل ٹرانسمیشن اینڈ ڈسپیچ کمپنی توں کرنسی دی تبدیلی تے سیلز ٹیکس وصولی متعلق مسئلیں دا ݙسائے ۔ وزیرخزانہ ملک اچ بنیادی ڈھانچے دی ترقی اچ پی ایم ایل ٹی سی دے تعاون دی تعریف تے وفد کوں متعلقہ سرکاری چینلز دے ذریعے تعاون دا یقین ݙیوائے۔چیئرمین نیسلے پاکستان سید یاورعلی دی قیادت اچ وفد نال ملاقات اچ وزیر خزانہ آکھیے مالیاتی طریقہ کار دے ذریعے  اہم شعبیں کوں ودھاوݨ دی پایلسی تے عمل کریندے پیوں ۔ وفد اچ سابق صدر فارمرز ایسوسی ایشن آف پاکستان آفاق احمد ٹوانہ  وی ہن جݙاں جو وزیرمملکت خزانہ و محصولات علی پرویز ملک اتے ممبران لینڈ ریونیو پالیسی ایف بی آر وی اجلاس اچ شریک تھئن