چیئرمین سینیٹ  دا مظفرآباد نیلم ویلی روڈ تے جیپ حادثے اچ انسانی جاناں دے ضیان تے ݙکھ تے افسوس

اسلام آباد۔10جولائی(اے پی پی) چیئرمین سینیٹ سید یوسف رضا گیلانی آزاد کشمیر اچ مظفرآباد نیلم ویلی روڈ  تے جیپ حادثے اچ قیمتی انسانی جاناں دے ضیان تے ݙکھ تے افسوس کیتے۔سینیٹ سیکرٹریٹ موجب چیئرمین سینیٹ حادثے اچ جاں بحق تھیوݨ آلیں دے گھر آلیں نال ہمدردی اتے تعزیت کریندے آکھیے  حادثے اچ جاں بحق لوکاں گھر آلیں دے ݙکھ اچ برابردا شریک ہاں ۔ انہاں جاں بحق لوکاں دے اُچے درجے ، لواحقین  سانڳے صبر تے زخمیاں دی وختی صحت سانڳے دعا منگی ۔ڈپٹی چیئرمین سینیٹ سیدال خان، قائد ایوان سینیٹ سینیٹر اسحاق ڈار،قائد حزب اختلاف سینیٹر شبلی فرازوی اپݨے انڄ انڄ سنھیے اچ  آزاد کشمیر ،مظفرآباد نیلم ویلی روڈ تے جیپ حادثے تے افسوس کریندے لواحقین نال تعزیت کیتی اے۔