اسلام آباد۔10جولائی(اے پی پی)پاکستان اچ چین دے سفیر جیانگ زیڈونگ آکھیے جو چین اتے پاکستان وچال ݙاھاکیاں دی سنڳت دا تکڑا رشتہ اے، ݙوہاں ملک امن اتے ترقی چاہندن۔ اے ڳالھ انہاں سی پیک تے تھیوݨ آلی بین الاقوامی کانفرنس اچ الیندے آکھی۔ انہاں آکھیا جو ساکوں امن و ترقی اتے عالمی سطح تے انصاف سانڳے رل تے کم کرݨا ہوسی، چین ڄڳ دے جنوبی علاقیاں دا رکن ملک اے، …
چین اتے پاکستان وچال ݙاھاکیاں دی سنڳت دا تکڑا رشتہ اے، چینی سفیر
مزید خبراں
اسلام آباد۔10جولائی(اے پی پی)پاکستان اچ چین دے سفیر جیانگ زیڈونگ آکھیے جو چین اتے پاکستان وچال ݙاھاکیاں دی سنڳت دا تکڑا رشتہ اے، ݙوہاں ملک امن اتے ترقی چاہندن۔ اے ڳالھ انہاں سی پیک تے تھیوݨ آلی بین الاقوامی کانفرنس اچ الیندے آکھی۔ انہاں آکھیا جو ساکوں امن و ترقی اتے عالمی سطح تے انصاف سانڳے رل تے کم کرݨا ہوسی، چین ڄڳ دے جنوبی علاقیاں دا رکن ملک اے، کڄھ سالاں اچ ڄڳ دے جنوبی ملک معاشی ترقی دی علامت ٻݨ تے اٻھرین۔ انہاں آکھیا جو جنوبی خطے دے ملک عالمی معاملیاں اچ ودھ دلچسپی ڳھندے پن، چین دے صدر شی جن پنگ جنوبی ملکاں اچ ترقی دا عمل ودھاوݨ کیتے ہک بہترین فورم ݙتے اتے ڄڳ دے جنوبی ملکاں دی ترقی کیتے ودھ اقدامات کیتن، وزیر اعظم شہباز شریف دے دورہ چین اچ تھیوݨ آلیاں مفاہمتی یادداشتاں کوں اڳو تے ودھایا ویسی اتے ݙوہاں ملکاں وچال سٹریٹجک تعلقات کوں سی پیک نال ٻیا آقو تے ودھایا ویندا پئے جو گوادر بندرگاہ اتے خصوصی اقتصادی زونز نال برآمدات ودھاوݨ دے وݙے موقعے موجود ہین۔ انہاں آکھیا جو پاکستان اتے چین وچال گرین انرجی، تیل و گیس ڳولݨ اتے آئی ٹی دے شعبیاں اچ تعاون ودھایا ویسی، اقتصادی راہداری نال سارے ملکاں نال سرمایہ کاری کیتی ونڄ سڳدی اے۔(
