لاہور۔11جولائی(اے پی پی) پنجاب حکومت طلبہ کوں ای بائیکس ݙیوݨ شروع کر ݙتے۔ ایں سانڳے ای بائیکس ݙیوݨ دی تقریب لاہور دے ہوٹل اچ تھئی جتھاں وزیر اعلیی پنجاب تقریب دی مہمان خصوصی ہن۔ مریم نواز طلبہ کوں ای بائیکس دیاں کنڄیاں ونݙین۔ انہاں آکھیا جو طلبہ کوں ای بائیکس ݙیوݨ دا وعدہ توڑ نٻھائے، ایں منصوبے تے وزیر ٹرانسپورٹ اتے سارے متعلقہ اداریاں کوں شاباش ݙیندی آں ڄئیں میݙے ویژن تے صرف 4 مہینے اچ عملدرآمد کرائے، چاہندی آں جو پنجاب ای ٹرانسپورٹ سہولت تے آوے، ای بائیک سکیم اچ ڈاؤن پیمنٹ دا ادھ پیسہ حکومت پنجاب ݙیسی اتے ای بائیکس سارے ضلعیاں اچ طلبہ کوں ݙتیاں ویسن، تیکھے سکیم دا ݙوحجا مرحلہ وی شروع کیتا ویسی، پنجاب اچ پٹرول بائیکس مکا تے ہولے ہولے ای بائیکس کوں ودھارا ݙتا ویسی، ہݨ پنجاب ترقی سودھا ہر شعبے اچ اڳواݨ ٻݨسی۔
