سپریم کورٹ دے فیصلے نال حکومت کوں کوئی چیلنج کائنی، فیصلے پاروں ٻہوں قانونی تے آئینی ابہام پیدا تھین، وفاقی وزیر قانون اعظم نذیر تارڑ

اسلام آباد ۔12جولائی (اے پی پی) وفاقی وزیر قانون تے انصاف اعظم نذیر تارڑ آکھیا جو سپریم کورٹ دے فیصلے نال حکومت کوں کوئی چیلنج کائنی، فیصلے پاروں ٻہوں قانونی تے آئینی ابہام پیدا تھین، حکومت کنے 209 ارکان دی اکثریت موجود اے، بظاہر عدالت آرٹیکل 51اتے 106 دی تشریح دی بجائے انہاں کوں ولا تحریر کیتے۔ ایں فیصلے پاروں ٻہوں قانونی تے آئینی ابہام پید اتھین۔ پی ٹی آئی کوں او ریلیف ملیے جیڑھا انہاں منڳیا ای کائنا ہئی۔ وفاقی کابینہ دے فیصلے اتے متاثرہ سیاسی جماعتاں دے مشورے نال نظرثانی اپیل بارے فیصلہ کیتا ویسی۔ جمعے کوں سپریم کورٹ ولوں مخصوص نشستاں بارے فیصلے دے بعد نیوز کانفرنس توں خطاب کریندیں ہوئیں انہاں آکھیا جو سپریم کورٹ دے فیصلے نال حکومت کوں کوئی چیلنج کائنی، فیصلے پاروں ٻہوں قانونی تے آئینی ابہام پیدا تھین۔ انہاں آکھیا جو مخصوص نشستاں بارے قانون موجود اے، نشستاں سنی اتحاد کونسل کوں ونڄ سڳدی ہن، کیس اچ پی ٹی آئی تاں فریق ای کائنا ہئی۔ تحریک انصاف دے آزاد ارکان جتݨ دے بعد کہیں فورم نال رجوع کائنی کیتا۔ سنی اتحاد کونسل غیر مسلم کوں آپݨا رکن نی منیندی اوندے منشور دے مطابق اونکوں اقلیتی نشستاں نی ملݨی چاہیدی۔ تفصیلی فیصلہ آوݨ تئیں ٻئی رائے ݙیوݨ ممکن کائنی۔