پی ٹی آئی آپ قصور وار اے، معصوم ٻݨ تے الیکشن کمیشن تے الزام لاوݨ چنڳاں نئیں، وفاقی وزیر اطلاعات عطاء اللہ تارڑ

اسلام آباد۔12جولائی(اے پی پی):وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے جو سپریم کورٹ اچ تحریک انصاف اپݨے ارکان قومی اسمبلی کوں پی ٹی آئی دا ایم این اے ڈیکلیئر کرݨ دی درخواست نئیں ݙتی، اوں جماعت اچ رلیے وی نئیں جیندا پارلیمان اچ وجود ہووے، انٹرا پارٹی الیکشن ٹھیک نئیں کروائے، پارٹی ٹکٹ اتے ڈیکلریشن وی جمع نئیں کرائے اتے الزامات الیکشن کمیشن تے لیندی اے۔ پی ٹی آئی دے الیکشن کمیشن تے الزامات تے ولدا ݙیندے”ایکس“ تے اپݨے ٹویٹ اچ انہاں آکھیا جو انٹرا پارٹی الیکشن تساں آپ ٹھیک نئیں کرائے تے الزام الیکشن کمیشن تے ݙیندے او؟ اینڄھی جماعت ڄیڑھی پارلیمان اچ ہونندی او جوائن آپ نئیں کیتی، ایں کیس اچ ایم این ایز پارٹی رکنیت دی درخواست وی نئیں ݙتی تاں ول قصور کیندا اے؟ اے سمڄھدن جو اے معصوم تے باقی سارے قصور وار ہین۔