اسلام آباد۔14جولائی(اے پی پی) وزیراعظم دی کوآرڈینیٹر موسمیاتی تبدیلی رومینہ خورشید عالم آکھیے حکومت صحت عامہ دے تحفظ سانڳے پلاسٹک دے خطرے نال نبݨݨ سانڳے سارے صوبائی حکومتاں نال رل تے ہر ممکن اقدامات کریندی پئی اے ۔ وزارت موسمیاتی تبدیلی توں جاری بیان موجب رومینہ خورشید عالم آکھیے وزیراعظم دے پلاسٹک فری وژن کوں عملی جامہ پواوݨ سانڳے سارے صوبائی حکومتاں وفاق نال رل تے اقدامات کریندیاں پئن …
مائیکرو پلاسٹک آلودگی نال نبݨݨ حکومت دی اولین ترجیح اے، رومینہ خورشید عالم
مزید خبراں
اسلام آباد۔14جولائی(اے پی پی) وزیراعظم دی کوآرڈینیٹر موسمیاتی تبدیلی رومینہ خورشید عالم آکھیے حکومت صحت عامہ دے تحفظ سانڳے پلاسٹک دے خطرے نال نبݨݨ سانڳے سارے صوبائی حکومتاں نال رل تے ہر ممکن اقدامات کریندی پئی اے ۔ وزارت موسمیاتی تبدیلی توں جاری بیان موجب رومینہ خورشید عالم آکھیے وزیراعظم دے پلاسٹک فری وژن کوں عملی جامہ پواوݨ سانڳے سارے صوبائی حکومتاں وفاق نال رل تے اقدامات کریندیاں پئن ۔رومینہ خورشید آکھیے پلاسٹک دے استعمال کوں گھٹ کرݨ ماحول دی چنڳائی سانڳے ضروری اے ۔مائیکرو پلاسٹک ہیومن ڈائیٹری اپٹیک بارے ھک اڄوکے مطالعہ دا حوالہ ݙیندے انہاں آکھیے مائیکرو پلاسٹک ہݨ عالمی سطح تے ماحولیاتی تے صحت عامہ دی ودھدی تشویش اے۔مطالعہ دے نتیجے دی تفصیل موجب انڈونیشیا، ملائیشیا اتے فلپائن جیہے جنوب مشرقی ایشیائی ملک مائیکرو پلاسٹکس دی فی کس خوراک دی عالمی فہرست اچ سرفہرست ہن ۔وزیر اعظم دی کوآرڈینیٹر موسمیاتی تبدیلی رومینہ خورشید عالم آکھیے زیر زمین پاݨی کوں پلاسٹک دے مضر اثرات توں محفوظ رکھݨ دے اقدامات وی ناگزیر ہن
