وزیر صنعت و تجارت چوہدری شافع حسین نال اقوام متحدہ دے ادارہ خوراک و زراعت دے پاکستان اچ نمائندہ دی ملاقات

لاہور۔15جولائی(اے پی پی)صوبائی وزیر صنعت و تجارت چوہدری شافع حسین نال اقوام متحدہ دے ادارے خوراک و زراعت دے پاکستان اچ نمائندے رانا محمد واجد ملین۔ ملاقات اچ ایف اے او دے پاکستان اتے پنجاب اچ جاری پروگرام اتے زراعت ، ٹیکنیکل ایجو کیشن ،تعلیم، ایکوا فارمنگ اتے ٻئے شعبیاں اچ پنجاب حکومت اتے ایف اے او وچال ساڄھے داری تے ڳالھ مہاڑ تھئی۔ صوبائی وزیر صنعت و تجارت چوہدری شافع حسین غیر ملکی سرمایہ کاراں کوں پنجاب اچ زراعت ،تعلیم و سماجی شعبی اچ سرمایہ کاری دے مواقع توں فیدہ چاوݨ دی دعوت ݙتی جو اقوام متحدہ دا ادارہ خوراک و زراعت ریسرچ اینڈ ڈویلپمنٹ سنٹرز کوں اپ گریڈ کرݨ کیتے ہتھ ونݙا سڳدے۔ انہاں زرعی ترقی کیتے سیڈ ڈویلپمنٹ اتے جدید ٹیکنالوجی دے استعمال کوں ضروری قرار ݙیندے پنجاب اچ سولر پینلز دی مینو فیچرنگ تے زور ݙتے۔ انہاں آکھیا جو جنوبی پنجاب دے پنڄ اضلاع خانیوال، لودھراں، ملتان، مظفر گڑھ اتے ڈیرہ غازی خان اچ ایف اے او دے پروگرام جاری ہین۔