حکومت برآمدات 60 ارب ڈالر تئیں ودھاوݨ کیتے ردھی ہوئی اے، وفاقی وزیر تجارت دی اعلیٰ سطح اجلاس اچ ڳالھ مہاڑ

اسلام آباد۔15جولائی(اے پی پی)وفاقی وزیر تجارت جام کمال خان آکھیے جو حکومت برآمدات 60 ارب ڈالر تئیں ودھاوݨ کیتے ردھی ہوئی اے، اے ہدف 2028 تئین پورا کر ڳھدا ویسی۔ اے ڳالھ انہاں وزیراعظم ولوں ٻݨائی ڳئی اعلیٰ سطح کمیٹی دے افتتاحی اجلاس دی اڳواݨی کریندے آکھی۔ انہاں آکھیا جو ٹیرف کوں درست کرݨ مقصد اے تاں جو 2027-28 تئیں 60 ارب ڈالر دا برآمدی ہدف پورا تھیوے، ایں سانڳے 3 ذیلی کمیٹیاں ٻݨایاں ڳن، اے کمیٹیاں مرکزی کمیٹی کوں تفصیلی ݙیسی اتے وزیراعظم کوں حتمی رپورٹ پیش کریسی۔ اجلاس اچ صنعت و پیداوار دے وفاقی وزیر رانا تنویر حسین اتے وزیر مملکت برائے خزانہ و  محصولات علی پرویز ملک وزیر تجارت نال اتفاق کیتے۔ انہاں ٹی او آرز ݙیکھݨ کیتے مختلف شعبیاں دے تکنیکی ماہرین دے ورکنگ گروپس ٻݨاوݨ دی تجویز ݙتی۔ اجلاس اچ متعلقہ وزارتاں دے سیکرٹریز، فیڈرل بورڈ آف ریونیو (ایف بی آر) دے چیئرمین اتے مرکزی کمیٹی دے ارکان شرکت کیتی۔ وزارت تجارت کمیٹی دے سیکرٹریٹ دے طور تے کم کریسی اتے ݙو ہفتیاں اچ اپݨیاں سفارشات ݙیسی۔