پوری قوم پاک فوج دے شہیداں تے غازیاں دی قربانیاں کوں سلام کریندی اے، عبدالعلیم خان

اسلام آباد۔15جولائی(اے پی پی)استحکام پاکستان پارٹی دے صدر اتے وفاقی وزیر برائے نجکاری، سرمایہ کاری بورڈ و مواصلات عبدالعلیم خان آکھیے جو ساݙے ٻالاں دے محفوظ مستقبل کیتے اپݨیاں جاناں وار ݙیوݨ آلے ساری قوم دے متھے دا جھمر ہین جنہاں ساݙے کل کتیے اپݨا اڄ قربان کر ݙتے۔ اے ڳالھ انہاں سکیورٹی فورسز دی بنوں اچ ویلھے تے کارروائی تے الیندے آکھی جو پوری قوم پاک فوج دے شہیداں تے غازیاں دی قربانیاں کوں سلام کریندی اے، ساݙے فوجی جوان ہر ویلھے تیار ہوندن ڄیڑھے پاک دھرتی دی حفاظت کوں اپݨا فرض سمڄھدن، بنوں اچ پاک فوج ویلھے سر کارروائی کرتے شاندار کارکردگی نال دشمن دے ناپاک عزائم مٹی اچ ملا ݙتن جو ہݨ ولا دشمن اینڄھی حرکت کرݨ دا دل نا ٻدھسی۔