سرینگر۔19جولائی(اے پی پی) کنٹرول لائن دے ݙوہیں پاسوں تے پوری دنیا اچ رہݨ آلے کشمیری اڄ یوم الحاق پاکستان ایں عزم دی تجدید نال منیندے پئن جو او بھارتی تسلط توں آزادی تے جموں و کشمیر دے پاکستان اچ مکمل انضمام تئیں اپݨی جدوجہد جاری رکھیسن ۔کشمیرمیڈیاسروس موجب کشمیریاں دے حقیقی نمائندیں 19جولائی 1947کوں سرینگر دے علاقے آبی گزر اچ سردار محمد ابراہیم خان دی رہائش گاہ تے تھیوݨ …
کشمیری اڄ یوم الحاق پاکستان منیندے پئن
سرینگر۔19جولائی(اے پی پی) کنٹرول لائن دے ݙوہیں پاسوں تے پوری دنیا اچ رہݨ آلے کشمیری اڄ یوم الحاق پاکستان ایں عزم دی تجدید نال منیندے پئن جو او بھارتی تسلط توں آزادی تے جموں و کشمیر دے پاکستان اچ مکمل انضمام تئیں اپݨی جدوجہد جاری رکھیسن ۔کشمیرمیڈیاسروس موجب کشمیریاں دے حقیقی نمائندیں 19جولائی 1947کوں سرینگر دے علاقے آبی گزر اچ سردار محمد ابراہیم خان دی رہائش گاہ تے تھیوݨ آلے آل جموں وکشمیر مسلم کانفرنس دے اجلاس اچ الحاق پاکستان دی قرارداد متفقہ طور تے منظور کیتی ہئی ۔ ایں تاریخی قرارداد اچ پاکستان نال مذہبی، جغرافیائی، ثقافتی تے اقتصادی قربت تے لکھاں کشمیری مسلماناں دی امنگاں پاروں پاکستان نال ریاست جموں و کشمیر نال الحاق دا مطالبہ کیتا ڳئے۔ اے پیشرفت اڄوکے سال 14اتے 15اگست کوں تقسیم ہند دے منصوبے دے تحت پاکستان تے بھارت دی صورت اچ ݙو خودمختار ریاستاں دی تشکیل توں تقریبا ھک مہینے پہلی تھئی ہئی ۔تقسیم ہنددے منصوبے دے تحت ریاستاں ݙو نویں بݨݨ آلے ملکاں اچوعں کہیں ھک نال الحاق سانڳے آزاد ہن۔19جولائی 1947 دی کشمیریاں دی اے قرارداد ایں ڳالھ دا ثبوت اے جو او آپݨا مستقبل پاکستان نال جوڑ چکئن ۔ کشمیریاں آپݨے سیاسی، مذہبی، معاشرتی، ثقافتی اتے معاشی حقوق دے تحفظ سانڳے پاکستان اچ رلݨ دا فیصلہ کیتا کیوں جو انہاں کوں ہندوواں دی مسلم دشمنی دا چنڳی طرح پتہ ہئی
