پارلیمان تے عوام اچ نیڑے رابطے نال ملک اچ جمہوریت مستحکم تھیسی ،سردار یاز صادق

اسلام آباد۔19جولائی(اے پی پی) سپیکر قومی اسمبلی سردار ایاز صادق آکھیے پارلیمان تے عوام اچ نیڑے رابطے نال ملک اچ جمہوریت مستحکم تھیسی ۔ ینگ سٹیزن انٹرن شپ پروگرام پاروں مستقبل دے معماراں کوں پارلیمنٹ  تے ایندے نظام کار توں آگاہی ملسی ۔ ینگ سٹیزن انٹرن شپ پروگرام دے شرکا توں خطاب کریندے ہوئیں انہاں آکھیے پروگرام اچ رلݨ آلے سارے ٻالاں کوں پارلیمان اچ جی بسم اللہ اکھینداں ، قومی اسمبلی اچ ٻلاں دی انٹرن شپ پروگرام دی بنیاد 2014 اچ رکھی، ٻالاں دا انٹرن شپ پروگرام میݙے دل دے نیڑے ہے ، ٻالاں دے روشن مستقبل سانڳے سارے ممکن اقدامات کریساں ۔ انہاں آکھیے میکوں خوشی اے جو ایں پروگرام اچ ملک دے  سارے علاقیں تے طبقیں دی نمائندگی اے ، پارلیمان 25کروڑ عوام دی دانش گاہ اے ۔ انہاں آکھیے ینگ سٹیزن انٹرن شپ پروگرام پاروں مستقبل دے معماراں کوں پارلیمنٹ  تے ایندے نظام دی آگاہی ملسی۔ پارلیمان  تے عوام اچ نیڑے رابطے نال ملک اچ جمہوریت مستحکم تھیسی۔ اے اطمینان دی ڳالھ اے جو ملک دا مستقبل محفوظ ہتھاں وچ اے۔ انہاں آکھیے ملک دی ترقی سانڳے ضروری اے سارے رل تے کم کرن۔ سپیکر قومی اسمبلی ٻالاں کوں پروگرام اچ رلݨ یقینی بݨاوݨ تے زور ݙتا۔