وفاقی وزیر داخلہ محسن نقوی نال سری لنکن ہائی کمشنر دی ملاقات، سری لنکا اچ پتھے پاکستانی قیدیاں کوں پاکستان واپس گھن آوݨ دا فیصلہ

اسلام آباد۔19جولائی(اے پی پی) وفاقی وزیر داخلہ و انسداد منشیات محسن نقوی نال سری لنکا دے ہائی کمشنر ایڈمرل (ر) رویندرا چندرا سری وجے گونارتنے ملاقات کیتی۔ جیں اچ سانجھی دلچسپی دے امور اتے سری لنکا اچ کئی سال توں قید پاکستانی شہریاں دی رہائی تے ڳالھ مہاڑ کیتی ڳئی ۔ ملاقات اچ گزرییل کئی سال توں سری لنکا اچ پھتے پاکستانی قیدیاں کوں 7 ݙینھ اچ پاکستان واپس گھن آوݨ دا فیصلہ کیتا ڳئے ۔سری لنکا اچ پاکستانی قیدیاں دی وطن واپسی سانڳے ݙوہیں پاسوں ضروری کارروائی وختی مکمل کرݨ تے اتفاق تھئے ۔ سری لنکن ہائی کمشنر پاکستانی قیدیاں دی رہائی سانڳے آپݨے ہر ممکن تعاون دا یقین ݙیوائے ۔ وفاقی وزیرداخلہ محسن نقوی قیدیاں دی وطن واپسی سانڳے تعاون تے سری لنکن ہائی کمشنر دا شکریہ ادا کیتے۔ وفاقی وزیرداخلہ محسن نقوی آکھیے سری لنکا اچ قید پاکستانی شہریاں دی وطن واپسی سانڳے سارے اقدامات کوں وختی چھیکڑی شکل ݙتی ویندی پئی اے۔ ملاقات اچ انسداد منشیات اتے بارڈر سکیورٹی دے امور تے وی ڳالھ مہاڑ تھئی ۔ وفاقی وزیر داخلہ آکھیے سری لنکا تے پاکستان وچال تعلقات ویلھے نال تکڑے تھئن سانجھے تعلقات اڳوں ودھاوݨ سانڳے تکھے اقدامات کرݨ دی لوڑھ اے۔ وفاقی وزیر داخلہ ایں ڳالھ تے زور ݙتے انسداد منشیات اتے بارڈر سکیورٹی تے سانجھا تعاون ودھاوݨ ویلھے دا تقاضا اے ۔ سری لنکن ہائی کمشنر آکھیے سری لنکا پاکستان نال آپݨے تعلقات کوں اہمیت ݙیندے