اسلام آباد۔19جولائی(اے پی پی)الیکشن کمیشن مخصوص نشستاں بارے سپریم کورٹ دے فیصلے تے عملدرآمد دا فیصلہ کریندے کمیشن دی قانونی ٹیم کوں سپریم کورٹ دے فیصلے دے کہیں وی نکتے تے عملدرآمد اچ رکاوٹ دی نشاندہی اتے ایں سانڳے سپریم کورٹ توں ٻئی رہنمائی ڳھنݨ سودھا رکاوٹاں دور کرݨ دی ہدایت کیتی اے۔ الیکشن کمیشن ہک پریس ریلیز اچ آکھیے جو سپریم کورٹ دے مخصوص نشستاں بارے فیصلے دے جائزے …
الیکشن کمیشن دا مخصوص نشستاں بارے سپریم کورٹ دے فیصلے تے عملدرآمد دا فیصلہ
اسلام آباد۔19جولائی(اے پی پی)الیکشن کمیشن مخصوص نشستاں بارے سپریم کورٹ دے فیصلے تے عملدرآمد دا فیصلہ کریندے کمیشن دی قانونی ٹیم کوں سپریم کورٹ دے فیصلے دے کہیں وی نکتے تے عملدرآمد اچ رکاوٹ دی نشاندہی اتے ایں سانڳے سپریم کورٹ توں ٻئی رہنمائی ڳھنݨ سودھا رکاوٹاں دور کرݨ دی ہدایت کیتی اے۔ الیکشن کمیشن ہک پریس ریلیز اچ آکھیے جو سپریم کورٹ دے مخصوص نشستاں بارے فیصلے دے جائزے سانڳے الیکشن کمیشن دا اجلاس تھئے اتے فیصلے تے عملدرآمد دا فیصلہ کیتے۔ الیکشن کمیشن دی قانونی ٹیم کوں آکھ ݙتا ڳئے جو او سپریم کورٹ دے حکم تے عمل درآمد سانڳے نکات دا جائزہ ڳھن تے ایں سانڳے رکاوٹاں مکاوݨ لو سارے اقدامات کرے۔ الیکشن کمیشن ادارے تے غیر ضروری تنقید تے چنتا کریندے ایندی مذمت کیتی اے اتے آکھیے جو چیف الیکشن کمشنر دا استعفیٰ منڳݨ بلا جواز اے، کمیشن بغیر دبائو دے آئین و قانون دے مطابق کم کریندا رہسی، الیکشن کمیشن کہیں فیصلے دی غلط تشریح نئیں کیتی، الیکشن کمیشن پی ٹی آئی دے انٹرا پارٹی غیر قانونی انتخابات تے الیکشنز ایکٹ دی دفعہ 215 دے مطابق بلے دا نشان ڳھدے، جیڑھے 39 ایم این ایز کوں پی ٹی آئی ایم این ایز آکھیا ڳئے انہاں کاغذات نامزدگی اچ پارٹی وابستگی ظاہرکیتی ہئی اتے انہاں کوں پارٹی امیدوار آکھیا ڳئے، کڄھ امیدواراں پارٹی امیدوار کیتے پارٹی ٹکٹ اتے حلف نامہ ریٹرننگ آفیسر کوں جمع نئیں کرایا تہوں انہاں کوں ریٹرننگ آفیسراں آزاد قرار ݙتے۔ الیکشن توں بعد امیدوار آپ سنی اتحاد کونسل اچ رلین، اسنی اتحاد کونسل سپریم کورٹ اچ الیکشن کمیشن اتے پشاور ہائی کورٹ دے فیصلے دے خلاف اپیل کیتی ہئی ٻھل پی ٹی آئی تاں ایں کیس اچ فریق ہی کائنا ہئی۔
