اسلام آباد۔22جولائی(اے پی پی)چیئرمین سینیٹ سید یوسف رضا گیلانی آکھیے جو مشترکہ چیلنجاں نال نمٹݨ کیتے او آئی سی رکن ملکاں وچال تعاون ودھاوݨ ضروری اے، جامع اتے فعال پالیسیاں، پائیدار ترقی اتے وسائل دی منصفانہ تقسیم یقینی ٻݨاوݨی ہوسی۔ اے ڳالھ انہاں اسلامک ورلڈ اکیڈمی آف سائنسز (آئی اے ایس ) اتے پاکستان اکیڈمی آف سائنسز (پی اے ایس) ولوں کانفرنس نال خطاب کریندے آکھی۔ انہاں آکھیا جو ادارہ …
مشترکہ چیلنجاں نال نمٹݨ کیتے او آئی سی رکن ملکاں وچال تعاون ودھاوݨ ضروری اے، چیئرمین سینیٹ سید یوسف رضا گیلانی
اسلام آباد۔22جولائی(اے پی پی)چیئرمین سینیٹ سید یوسف رضا گیلانی آکھیے جو مشترکہ چیلنجاں نال نمٹݨ کیتے او آئی سی رکن ملکاں وچال تعاون ودھاوݨ ضروری اے، جامع اتے فعال پالیسیاں، پائیدار ترقی اتے وسائل دی منصفانہ تقسیم یقینی ٻݨاوݨی ہوسی۔ اے ڳالھ انہاں اسلامک ورلڈ اکیڈمی آف سائنسز (آئی اے ایس ) اتے پاکستان اکیڈمی آف سائنسز (پی اے ایس) ولوں کانفرنس نال خطاب کریندے آکھی۔ انہاں آکھیا جو ادارہ جاتی تعاون، پائیدار و جامع ترقی کیتے اہم ہین، اسلامک ورلڈ اکیڈمی آف سائنسز (آئی اے ایس ) کوں اردن دے شاہی شہزادہ الحسن بن طلال اتے پاکستان دے صدر آصف علی زرداری دی سرپرستی حاصل اے، ایں اعلیٰ سطح سیاسی سرپرستی دا سائنسی جدت ودھاوݨ اچ کردار انٻہوں اہم اے، سائنس و ٹیکنالوجی کوں سماجی انصاف اتے معاشرے کوں بااختیار ٻݨآوݨ کیتے ہک مرکز دے طور تے استعمال کرݨ دی لوڑھ اے، موسمیاتی تبدیلیاں دا مقابلہ کرݨ، ماحولیاتی آلودگی تے قابو پاوݨ کیتے وݙے پیمانے تے شجر کاری، جنگلات ودھاوݨ دی لوڑھ اے تاں جو حیاتیاتی تنوع بہتر ٻݨایا ونڄے، ماحولیاتی پائیداری اتے موسمیاتی بہتری کیتے ساݙی سنجیدگی پورے ڄق منی اے، اینڄھے اقدامات نال ملک و قوم دی پائیدار ترقی اڳو تے ودھائی ونڄ سڳدی اے۔
