اسلام آباد۔25جولائی(اے پی پی) وزیراعظم محمد شہبازشریف آکھیے پاکستان ای سی او ملکاں وچال علاقائی تجارت دے ودھارے تے تنظیم دی اصلاحات دے ایجنڈے سانڳے مکمل حمایت جاری رکھیسی ۔ وزیراعظم آفس دے میڈیا ونگ توں جاری بیان موجب اے ڳالھ انہاں اقتصادی تعاون تنظیم (ای سی او)دے سبکدوش تھیوݨ آلے سیکرٹری جنرل خسرو نوزیری نال ڳالھ مہاڑ کریندے آکھی جنھاں انہاں نال ملاقات کیتی۔ ملاقات اچ خسرو نوزیری …
وزیراعظم شہباز شریف نال اقتصادی تعاون تنظیم دے سبکدوش تھیوݨ آلے سیکرٹری جنرل خسرو نوزیری دی ملاقات
اسلام آباد۔25جولائی(اے پی پی) وزیراعظم محمد شہبازشریف آکھیے پاکستان ای سی او ملکاں وچال علاقائی تجارت دے ودھارے تے تنظیم دی اصلاحات دے ایجنڈے سانڳے مکمل حمایت جاری رکھیسی ۔ وزیراعظم آفس دے میڈیا ونگ توں جاری بیان موجب اے ڳالھ انہاں اقتصادی تعاون تنظیم (ای سی او)دے سبکدوش تھیوݨ آلے سیکرٹری جنرل خسرو نوزیری نال ڳالھ مہاڑ کریندے آکھی جنھاں انہاں نال ملاقات کیتی۔ ملاقات اچ خسرو نوزیری وزیراعظم کوں ای سی او دے اقدامات تے اپݨی تعیناتی اچ ای سی او کوں بحال کرݨ دے اپݨے اصلاحاتی ایجنڈے دا ݙسائے ۔ وزیراعظم ای سی او کوں علاقائی تعاون دے پلیٹ فارم دے طور تے ودھارا ݙیوݨ سانڳے سیکرٹری جنرل دی کوششاں دی تعریف تے مستقبل سانڳے نیک خواہشات دا اظہار کیتے۔ وزیراعظم آکھیے خسرو نوزیری پاکستان دی فارن سروس اکیڈمی توں فارغ التحصیل ہن جیڑھا جو پاکستان سانڳے اعزاز دی ڳالھ اے ۔ وزیراعظم تاجکستان دے صدر امام علی رحمٰن سانڳے وی نیک خواہشات دا اظہار کیتے۔وزیراعظم آکھیے پاکستان ای سی او ملکاں وچال علاقائی تجارت ودھاوݨ دے نال ای سی او اصلاحات دے ایجنڈے سانڳے مکمل حمایت جاری رکھیسی ۔وزیراعظم آکھیے ای سی او ویژن 2025 دے اہم دستاویز تے سابق وزیراعظم محمد نواز شریف دی سرپرستی اچ اسلام آباد اچ 2017 اچ دستخط کیتے ڳئے ہن جیڑھے ای سے او سانڳے ھک اہم سنگ میل اے۔وزیراعظم مزید آکھیے پاکستان سانڳے اے ماݨ دی ڳالھ اے جو ای سی او دے آندے سیکرٹری جنرل ڈاکٹر اسد مجید خان، پاکستان دے سابق سیکرٹری خارجہ رہ چکن ۔خسرو نوزیری ای سی او دے سیکرٹری جنرل دی حیثیت نال خدمات سر انجام ݙیندے پاکستان دی طرفوں مسلسل حمایت تے وزیراعظم دا شکریہ ادا کیتا
