اسلام آباد۔26جولائی(اے پی پی) وزیراعظم محمد شہباز شریف نال تاجکستان دے سفیر شریف زادہ یوسف طائر وزیر اعظم ہاؤس اچ ملاقات کیتی، ایں موقع تے وزیراعظم تاجک سفیر دا خیرمقدم کریندے پاکستان اچ انہاں دی تعیناتی دی مدت دی کامیابی اتے نیک خواہشات دا اظہار کیتے۔ پی ایم آفس دے میڈیا ونگ توں جاری پریس ریلیز موجب ملاقات اچ اڄوکے مہینے دوشنبہ دے اپݨے اڄوکے دورے دا ذکر کریندے …
وزیراعظم محمد شہباز شریف نال تاجکستان دے سفیر شریف زادہ یوسف طائر دی ملاقات
اسلام آباد۔26جولائی(اے پی پی) وزیراعظم محمد شہباز شریف نال تاجکستان دے سفیر شریف زادہ یوسف طائر وزیر اعظم ہاؤس اچ ملاقات کیتی، ایں موقع تے وزیراعظم تاجک سفیر دا خیرمقدم کریندے پاکستان اچ انہاں دی تعیناتی دی مدت دی کامیابی اتے نیک خواہشات دا اظہار کیتے۔ پی ایم آفس دے میڈیا ونگ توں جاری پریس ریلیز موجب ملاقات اچ اڄوکے مہینے دوشنبہ دے اپݨے اڄوکے دورے دا ذکر کریندے وزیراعظم آکھیے او تاجک صدر امام علی رحمنٰ دے پرتپاک خیرمقدم توں ٻہوں متاثر تھئن تے دورے اچ انھاں ݙوہیں رہنماواں وچال نتیجہ خیز ڳالھ مہاڑ تھئی ۔اپݨے دورے اچ ݙوہیں ملکاں وچال طے پاوݨ آلی مفاہمتی یادداشتاں/معاہدیں تے اطمینان دا اظہار کریندے وزیراعظم زور ݙتے انہاں تے وختی عمل درآمد نال ݙو پاسے تعلقات مزید تکڑے بݨاوݨ اچ مدد ملسی ۔وزیراعظم صدر رحمٰن کوں وختی پاکستان دا سرکاری دورہ کرݨ دی دعوت کوں دہریندے آکھیے پاکستان اڄوکے سال اکتوبر اچ اسلام آباد اچ تھیوݨ آلے شنگھائی تعاون تنظیم دے سربراہان حکومت دے اجلاس اچ تاجکستان دی شرکت دا منتظر اے۔تاجک سفیر وزیراعظم کوں تعلیم، زراعت اتے دفاع سودھے مختلف شعبیں اچ تعاون ودھاوݨ زمینی تے فضائی رستے دے ذریعے رابطے ودھاوݨ سانڳے تجویزاں ݙتن ۔وزیراعظم متعلقہ حکام کوں تاجک سفیر نال رابطہ کرتے انھاں تجویزاں تے عمل کرݨ سانڳے لائحہ عمل بݨاوݨ دی ہدایت کیتی ۔ ملاقات اچ کاسا-1000 سودھے علاقائی رابطے دے ٻئے منصوبے وی زیر بحث آئے۔تاجک سفیر وزیراعظم دے استقبال تے انہاں دا شکریہ ادا کیتا ، انہاں کوں تاجک صدر دی طرفوں مبارخ ݙتی تے پاکستان نال آپݨے تعلقات ودھاوݨ دی خواہش ظاہر کیتی۔
