اسلام آباد۔27جولائی(اے پی پی) وفاقی وزیرعبدالعلیم خان دی صدارت اچ پرائیوٹائزیشن کمیشن بورڈ دا اجلاس تھئے ۔ اجلاس اچ نجکاری دے مختلف اہم امور متعلق فیصلیں دی منظوری ݙتی ڳئی ۔ اعلیٰ سطحی اجلاس اچ نجکاری بورڈ دی ڈسکوز دی پرائیوٹائزیشن دی منظوری اتے فنانشل ایڈوائزر لاوݨ دا وی فیصلہ کیتا ڳئے ۔ جاری بیان موجب وفاقی وزیر نجکاری عبدالعلیم خان آکھیے اداریں دی شفاف تے وختی نجکاری یقینی …
وفاقی وزیرعبدالعلیم خان دی صدارت اچ پرائیوٹائزیشن کمیشن بورڈ دا اجلاس
اسلام آباد۔27جولائی(اے پی پی) وفاقی وزیرعبدالعلیم خان دی صدارت اچ پرائیوٹائزیشن کمیشن بورڈ دا اجلاس تھئے ۔ اجلاس اچ نجکاری دے مختلف اہم امور متعلق فیصلیں دی منظوری ݙتی ڳئی ۔ اعلیٰ سطحی اجلاس اچ نجکاری بورڈ دی ڈسکوز دی پرائیوٹائزیشن دی منظوری اتے فنانشل ایڈوائزر لاوݨ دا وی فیصلہ کیتا ڳئے ۔ جاری بیان موجب وفاقی وزیر نجکاری عبدالعلیم خان آکھیے اداریں دی شفاف تے وختی نجکاری یقینی بݨائی ویسی ۔ ملکی معیشت کوں تکڑا کرݨ تے بحالی سانڳے پرائیوٹائزیشن دا عمل اہمیت رکھیندے۔انہاں آکھیے نجی شعبے کوں منتقل تھیوݨ آلے اداریں کوں منافع بخش بݨاوݨ دے تکڑے امکان ہن۔پی آئی اے دی نجکاری سانڳے نجی شعبے دی سنجیدگی کوں سامݨے رکھیا ویسی ، نجکاری دے اہداف وختی گھنسوں ، حتمی منظوری سی سی او پی ݙیسی ۔پرائیوٹائزیشن کمیشن بورڈ کوں پی آئی اے دی نجکاری دے عمل کوں اڳوں ودھاوݨ تے تفصیلی بریفنگ ݙتی ڳئی ۔اجلاس اچ فیصلہ کیتا ڳئے جنوری 2025 تئیں قانونی مرحلے مکمل کرتے پہلے مرحلے اچ 3 ڈسکوز دی نجکاری تھیسی ۔اجلاس اچ پرائیوٹائزیشن کمیشن بورڈ دے ممبراں دا مختلف معاملات تے اظہار رائے اتے مجموعی عمل تےاظہار اطمینان کیتا ڳئے ۔وفاقی سیکرٹری پرائیوٹائزیشن تےکمیشن دے ممبران سودھے سینئر افسراں دی بورڈ اجلاس اچ شرکت و فیصلیں دی منظوری ݙتی ڳئی
