عالمی برادری اسرائیل دے جنگی جرائم دا محاسبہ  کرتے ایکوں انصاف دی کچاری اچ گھن آوے ، وزیراعظم شہباز شریف

اسلام آباد۔27جولائی(اے پی پی) وزیراعظم محمد شہباز شریف فلسطین دے علاقے خان یونس اچ جاری اسرائیلی فورسز دی پرتشدد کارروائیاں دی شدید مذمت اتے تشویش کریندے آکھیے عالمی برادری اسرائیل دے جنگی جرائم دا محاسبہ  کرتے ایکوں انصاف دی کچاری اچ گھن آوے۔ فلسطین اچ انسانی المیہ جنم گھن چکے ،اقوام متحدہ سودھے عالمی برادری اپݨی ذمہ واریاں پوری کرے۔ وزیر اعظم آفس دے میڈیا ونگ توں جاری بیان موجب وزیر اعظم آکھیے خان یونس اچ اسرائیل دی بربریت پاروں 1.5 لکھ توں ودھ فلسطینی بے گھر تھئن،خان یونس دے محاصرے توں علاقے اچ کھاوݨ پیوݨ دیاں چیزاں تے زندگی دی ٻئی ضرورت پڄاوݨ معطل تھی تے رہ ڳئی اے ،فلسطین اچ انسانی المیہ جنم گھن چکے،اقوام متحدہ سودھے عالمی برادری اپݨی ذمہ واریاں پوری کرے۔ وزیراعظم آکھیے اسرائیلی فورسز فلسطینیاں دی نسل کشی دے سنگین جرم دا ارتکاب کریندیاں پئن ،پاکستان عالمی عدالت انصاف اچ آپݨے بیان اچ فلسطینیاں دے حق خود ارادیت اتے اسرائیل دی طرفوں فلسطینیاں تے چاتے ونڄݨ آلے ظلم تے آواز چاتی ۔وزیراعظم آکھیے اساں اے مطالبہ دوہرایندوں عالمی عدالت انصاف دے فلسطین دی صورتحال تے اڄوکے فیصلے تے اقوام متحدہ دی قرارداداں تے عملدرآمد کرایا ونڄے ۔ہݨ تئیں پاکستان توں پاکستان ائیر فورس دے 6 جہازاں دے ذریعے 1200 ٹن اتے 3 بحری جہازاں دے ذریعے 1500 ٹن امدادی سامان فلسطین بھجوایا ڳئے ، پاکستان دے میڈیکل کالجاں اچ فلسطین دے میڈیکل دے طلباء سانڳے خصوصی انتظام دی ہدایت کیتی ڳئی اے جݙاں جو او آپݨی تعلیم دا سلسلہ جاری رکھ سڳن ۔ وزیراعظم آکھیے عالمی برادری اسرائیل دے جنگی جرائم دا محاسبہ کریندے اینکوں انصاف دی کچاری اچ گھن آوے ، پاکستانی حکومت اتے عوام اپݨے فلسطینی بھرا تے بھیݨاں دے رلے کھڑی اے