اسلام آباد۔28جولائی(اے پی پی) سیکرٹری خارجہ محمد سائرس سجاد قاضی آکھیے علاقائی امن ، سلامتی اتے تعاون سانڳے آسیان اتے رکن ملکاں نال پاکستان اپݨے تعلقات دا پختہ عزم رکھیندے ، آسیان دا علاقائی یکجہتی اتے خوشحالی سانڳے کردار قابل تحسین اے۔ دفتر خارجہ توں جاری بیان موجب سیکرٹری خارجہ 27 جولائی توں لائوپی ڈی آر اچ تھیوݨ آلے 31 ویں آسیان ریجنل فورم وزارتی اجلاس اچ پاکستانی وفد …
پاکستان آسیان اتے رکن ملکاں نال آپݨے تعلقات دا پختہ عزم رکھیندے ، محمد سائرس سجاد قاضی
اسلام آباد۔28جولائی(اے پی پی) سیکرٹری خارجہ محمد سائرس سجاد قاضی آکھیے علاقائی امن ، سلامتی اتے تعاون سانڳے آسیان اتے رکن ملکاں نال پاکستان اپݨے تعلقات دا پختہ عزم رکھیندے ، آسیان دا علاقائی یکجہتی اتے خوشحالی سانڳے کردار قابل تحسین اے۔ دفتر خارجہ توں جاری بیان موجب سیکرٹری خارجہ 27 جولائی توں لائوپی ڈی آر اچ تھیوݨ آلے 31 ویں آسیان ریجنل فورم وزارتی اجلاس اچ پاکستانی وفد دی قیادت کیتی۔ اجلاس اچ پاکستان دی نمائندگی کریندے انہاں ایشیا پیسفک خطے اچ علاقائی جھیڑے تے پاکستان دے نقطہ نظر دا شرکا کوں ݙسیندے دھڑیں دی سیاست دی بجائے مذاکرات اتے شمولیت دی لوڑھ تے زور ݙتا۔ انہاں بھارت دے غیر قانونی زیرتسلط کشمیر دے عوام دی حالت زار کوں اجاگر کریندے اقوام متحدہ دی سلامتی کونسل دی متعلقہ قرارداداں تے کشمیری عوام دی خواہشات موجب ایں جھیڑے دے حل دی لوڑھ تے زور ݙتا سیکرٹری خارجہ غزہ تے افغانستان دی صورتحال سودھے علاقائی امور تے پاکستان دا موقف پیش کیتا ۔ سیکرٹری خارجہ آسیان دے ڈپٹی سیکرٹری جنرل داتو استنہ عبدالعزیز ،چین دے نائب وزیر خارجہ سن وی ڈونگ اتے ملائیشیا دی وزارت خارجہ دے سیکرٹری جنرل داتو سری عمران محمد زین نال وی ملاقات کیتی۔
