اسلام آباد۔29جولائی (اے پی پی) صدر مملکت آصف علی زرداری فیڈرل پبلک سروس کمیشن سول سروس اچ بھرتی دا عمل ٻئا بہتر ٻݨاوݨ اتے سرکاری ملازمتاں اچ تریمتیں اتے اقلیتاں دی نمائندگی ودھاوݨ دی لوڑھ تے زور ݙیندیں ہوعیں آکھیا جو موثر اتے شفاف بھرتی دے عمل اچ اہل اتے باصلاحیت سرکای ملازمتاں دے چݨاؤ اچ مدد ملسی۔ ایوان صدر دے پریس ونگ توں جاری بیان موجب صدرملکت اے …
سرکاری ملازمتاں اچ تریمتیں اتے اقلیتاں دی نمائندگی ودھاوݨ دی لوڑھ اے، صدر مملکت آصف علی زرداری دی فیڈرل پبلک سروس کمیشن دے سینئر ممبر اکبر حسین درانی دی قیادت اچ وفد نال ملاقات اچ ڳالھ مہاڑ
اسلام آباد۔29جولائی (اے پی پی) صدر مملکت آصف علی زرداری فیڈرل پبلک سروس کمیشن سول سروس اچ بھرتی دا عمل ٻئا بہتر ٻݨاوݨ اتے سرکاری ملازمتاں اچ تریمتیں اتے اقلیتاں دی نمائندگی ودھاوݨ دی لوڑھ تے زور ݙیندیں ہوعیں آکھیا جو موثر اتے شفاف بھرتی دے عمل اچ اہل اتے باصلاحیت سرکای ملازمتاں دے چݨاؤ اچ مدد ملسی۔ ایوان صدر دے پریس ونگ توں جاری بیان موجب صدرملکت اے ڳالھیں فیڈرل پبلک سروس کمیشن دے سینئر ممبر اکبر حسین درانی دی قیادت اچ وفد نال ڳالھ مہاڑ کریندیں ہوئیں آکھی جنہاں سنوار کوں ایوان صدر اچ انہاں نال ملاقات کیتی۔ انہاں آکھیا جو کمیشن تے سرکاری ملازماٹن دی بھرتی دی اہم ذمہ واری اے، کمیشن ملازمت کیتے درست بندہ چݨݨ کیتے غور کرے۔ صدرمملکت تریمتیں اتے اقلیتاں دی معاشرے دے مرکزی دھارے اچ شمولیت ودھاوݨ تے زور ݙتا اتے آکھیا جو سرکاری ملازمتاں اچ تریمتیں اتے اقلیتاں دی نمائندگی ودھاوݨی پوسی۔ آصف علی زرداری آکھیا جو جدید ٹیکنالوجی اتے نویں طریقے خصوصی طور کمپیوٹرائزڈ ٹیسٹنگ نال بھرتی دا عمل ٻیا موثر اتے شفاف ٻݨاوݨ دی لوڑھ اے۔ اکبر حسین درانی صدر مملکت کوں سرکاری ملازماں دی بھرتی اچ کمیشن دے کردار بارے ݙسیا۔
