ملک کوں نالج اکانومی اچ وٹاوݨ کیتے ڈیٹا دا استعمال ضروری اے، وفاقی وزیر ترقی اتے منصوبہ بندی احسن اقبال

اسلام آباد۔29جولائی(اے پی پی)وفاقی وزیر منصوبہ بندی، ترقی و اصلاحات احسن اقبال آکھیے جو ملک کوں نالج اکانومی اچ وٹاوݨ ٻہوں ضروری اے جو نالج اکانومی دا ایندھن ڈیٹا اے، ہر ترقی یافتہ ملک امن، استحکام، پالیساں دے تسلسل اتے اصلاحات کوں اپنائے، ڄیکر ایں رفتار نال چلیے تاں سال 2035 تئیں صرف 530 بلین ڈالرز دی معیشت ہودی اتے غربت دی شرح 50فیصد تئیں ہوسی۔ اے ڳالھ انہاں ایس ڈی پی آئی دے اعلیٰ سطح پالیسی ڈائیلاگ نال خطاب اچ آکھءی۔ انہاں آکھیا جو اڄ ڄڳ اچ ڈیٹا ہک سٹریٹجک انقلاب ڳھدی آندے، تکڑی معیشت کیتے ڈیٹا دی دستیابی اتے ڈیٹا دے استعمال دے طریقیاں کوں قومی ترجیحات اچ رلاوݨا ہوسی، اساں 2013 اچ نیشنل سینٹر فار ایکسی لینس برائے بگ ڈیٹا، کلاؤڈ کمپیوٹنگ ٻݨائے، قومی مراکز برائے آر ٹیفیشل انٹیلی جنس، سائبر سکیورٹی اتے ایپلائڈ  میتھ میٹکس مراکز سودھا قومی مراکز برائے سیٹلائٹ ٹیکنالوجی اینڈ جی آئی ایس ٻݨائن، وژن 2025 دے تحت پاکستان کوں ڄڳ دی پہلی 25 معیشتاں اچ رلاوݨا مقصد اے، سال 2013 توں 2018 تئیں اساں تھری جی، فورجی نیٹ ورک ݙتے ڄئیں پاکستان اچ ڈیجٹیل انقلاب ودھائے اتے چین توں فائبر آپٹک ڳھن آ تے ڈیجٹل انفراسٹرکچر تکڑا کیتے، ایں سال چین نال رل تے پاکستان دا ݙوڄھا مواصلاتی سیٹلائٹ لانچ کیتے ڄٰڑھا وݙی کامیابی اے۔ انہاں آکھیا جو وزارت منصوبہ بندی دی نگرانی اچ ادارہ برائے شماریات ستویں ڈیجیٹل مردم شماری مکمل کیتی اے۔ انہاں آکھیا جو مردم شماری دے مطابق آبادی دا تناسب 2.4 توں ودھ تے 2.55 تھی چکیے، آبادی ایویں ودھدی رہی اتے وسائل نہ ہوئے تاں ترقی کیا تھیس ٻیا انتشار کھنݙسی۔