زرعی شعبے ترقی کیتی اے جئیں پاروں مجموعی اقتصادی ترقی دی شرح 2.38 فیصد ودھ ڳئی اے، رانا تنویر حسین

اسلام آباد۔30جولائی  (اے پی پی) وفاقی وزیر برائے صنعت تے پیداوار و نیشنل فوڈ سکیورٹی رانا تنویر حسین آکھیا جو زرعی شعبے کوں جدید تقاضیاں تے بدلݨ بارے پرعزم ہیسے۔ زرعی شعبے ترقی کیتی اے جئیں پاروں مجموعی اقتصادی ترقی دی شرح 2.38 فیصد ودھ ڳئی اے۔ اے ڳالھیں انہاں منگل کوں پاکستان زراعت دی تبدیلی دے عنوان نال سیمینار توں خطاب کریندیں ہوئیں آکھی۔ انہاں آکھیا جو زرعی شعبے اچ سانجھے داراں نال تعاون تے کم جاری اے۔ رانا تنویر حسین آکھیا جو  زرعی شعبے 6.25 فیصد ترقی کیتی اے جئیں نال مجموعی اقتصادی ترقی دی شرح 2.38 فیصد ودھی اے۔ انہاں آکھیا جو زرعی ترقی اچ ٹیکنالوجی دا استعمال ٻہوں ضروری اے۔  آئی سی ٹی، آئی او ٹی، موبائل ایپلی کیشنز، جی پی ایس/جی آئی ایس، اتے یو اے وی – روایتی کاشتکاری دے طریقے بدلݨ اچ اہم کردار نبھا سڳدن۔