اسلام آباد۔8اگست (اے پی پی) صدر مملکت آصف علی زرداری نشان حیدر دا اعزاز ڳھنݨ آلے میجر طفیل محمد شہید دے 66 ویں یوم شہادت تے انہاں کوں خراج عقیدت پیش کیتا۔ خمیس کوں ایوان صدر دے پریس ونگ توں جاری بیان موجب صدرمملکت آکھیا جو قوم مادر وطن دے دفاع کیتے جان دا نذرانہ ݙیوݨ آلے بہادر سپوت میجر طفیل محمد شہید کوں سلام پیش کریندی اے۔ انہاں آکھیا جو میجر طفیل محمد شہید بہادری نال دشمن نال لڑدیں ہوئیں شہید تھیے۔ صدرمملکت آصف علی زرداری میجر طفیل محمد شہید دے بلندی درجات کیتے وی دعا کیتی۔
