اسلام آباد۔8اگست (اے پی پی) وزیراعظم محمد شہباز شریف میجر طفیل محمد نشانِ حیدر دے 66ویں یومِ شہادت تے انہاں کوں خراج عقیدت پیش کریندیں ہوئیں آکھیا جو میجر طفیل محمد شہید دی فرض شناسی، ہمت تے بہادری اتے وطن دی حفاظت دے عہد دی پاسداری نینگر نسل کیتے ہک مثال اے۔ خمیس کوں وزیراعظم آفس دے میڈیا ونگ توں جاری بیان موجب وزیراعظم آکھیا جو میجر طفیل محمد شہید نشانِ حیدر جرأت تے بہادری دی عظیم مثال قائم کریندیں ہوئیں وطن دی حفاظت کیتے شہید تھی ڳئے۔ میجر طفیل محمد شہید دی فرض شناسی، ہمت تے بہادری اتے وطن دی حفاظت دے عہد دی پاسداری نینگر نسل کیتے ہک مثال اے۔ انہاں آکھیا جو پاکستانی قوم پاکستان دی فوج دے نینگراں تے افسراں دی ایں ملک دی حفاظت کیتے قربانیاں کوں کݙاہیں نہ بھلیسی۔
