اسلام آباد۔8اگست(اے پی پی):صدر مملکت آصف علی زرداری مسلم امہ دے چیلنجاں نال نٻݨݨ کیتے مسلمان ملکاں وچال ودھ تعاون اتے اتحاد دی لوڑھ تے زور ݙیندے آکھیے جو پاکستان اتے سعودی عرب دا ڳانݙھا مذہبی اتے ٻھرا ٻھرپی آلا اے ڄیڑھا ہمیشہ آلی کار تکڑا تھیندا پئے۔ اے ڳالھ انہاں مسجد نبوی ﷺ دے امام ڈاکٹر صلاح بن محمد نال ایوان صدر اچ ملݨ ویلھے آکھی۔ انہاں ݙوطرفہ تعلقات، …
مسلم امہ دے مسلیاں تے قابو پاوݨ کیتے ودھ اتحاد اتے تعاون دی لوڑھ اے، صدر آصف علی زرداری دی مسجد نبوی ﷺ دے امام ڈاکٹر صلاح بن محمد نال ڳالھ مہاڑ
مزید خبراں
اسلام آباد۔8اگست(اے پی پی):صدر مملکت آصف علی زرداری مسلم امہ دے چیلنجاں نال نٻݨݨ کیتے مسلمان ملکاں وچال ودھ تعاون اتے اتحاد دی لوڑھ تے زور ݙیندے آکھیے جو پاکستان اتے سعودی عرب دا ڳانݙھا مذہبی اتے ٻھرا ٻھرپی آلا اے ڄیڑھا ہمیشہ آلی کار تکڑا تھیندا پئے۔ اے ڳالھ انہاں مسجد نبوی ﷺ دے امام ڈاکٹر صلاح بن محمد نال ایوان صدر اچ ملݨ ویلھے آکھی۔ انہاں ݙوطرفہ تعلقات، باہمی تعاون اتے مسلم امہ سودھا خطے اچ امن اتے ٻھرا ٻھرپی سانڳے کٹھیان کوششاں تے الایا۔ صدر مملکت ݙوہاں ٻھرا اسلامی ملکاں وچال تکڑے اسلامی ڳانݙھے دی تعریف کیتی۔ مسجد ِنبوی ﷺ دے امام ڈاکٹر صلاح بن محمد آکھیا جو پاکستان اتے سعودی عرب کوں عالم اسلام دے چیلنجاں نال نمٹݨ کیتے رل تے کم کرݨا چاہیدے، سعودی عرب اچ شہزادہ محمد بن سلمان دیاں اصلاحات نال ٻئی ترقی اتے خوشحالی تھیسی۔ صدر مملکت امید کیتی جو مسجد نبوی ﷺ دے امام دے دورے نال آپسی تعاون ٻیا تکڑا تھیسی۔ مسجد نبوی ﷺ دے امام پاکستان دی سلامتی و خوشحالی دی دعا کیتی۔
