انتہا پسندی، نفرت اتے تشدد و خوف و ہراس کھنݙاوݨ دی بالکل اجازت نا ݙتی ویسی، آَرمی چیف جنرل سید عاصم منیر دا علماء و مشائخ کانفرنس نال خطاب

اسلام آباد۔8اگست(اے پی پی)آَرمی چیف جنرل سید عاصم منیر آکھیے جو اپݨی سرزمین تے انتہا پسندی، نفرت اتے تشدد و خوف و ہراس کھنݙاوݨ دی بالکل اجازت نا ݙتی ویسی، ہر کہیں کیتے امن و خوشحالی آلے سانڄھے پاکستان کیتے جدوجہد جاری رکھسوں۔ اسلام آباد اچ تھیوݨ آلی علما مشائخ کانفرنس نال خطاب اچ آرمی چیف  جنرل سید عاصم منیر آکھیا جو اساں اپݨی سرزمین توں دہشت گردی مکاوݨ کیتے ہک مٹھ ہیں، اساں انتہا پسندی، تشدد اتے خوف و ہراس کھنݙاوݨ برداشت نا کریسوں، من گھڑت نظریات ڄیڑھے ساکوں آپت اچ نکھڑیندن کوں نا ودھݨ ݙتا ویسی، بے دردی نال قتل و غارت دا ساکوں ݙراوݨ اے اتے فتنہ الخوارج دے غیر انسانی ہتھکنڈے ڄیڑھے ساݙے جذبے کوں تروڑݨ دی کوشش کریندن دی مذمت کیتی اے۔ آرمی چیف آکھیا جو آئو اساں ہک اینڄھے پاکستان کیتے جدوجہد کروں جتہاں ہر کوئی امن و خوشحالی نال اڳو تے ودھ سڳے، اساں ہک قوم، ہک عوام ہیں اتے رل تے عظمت ڳھن سڳدے ہیں۔ انہاں امن، رواداری اتے شمولیت ودھاوݨ، انتہا پسند بیانیے دا مقابلہ کرݨ اتے معاشرے اچ نفرت و تشدد مکاوݨ کیتے آگاہی سانڳے علماء دے اہم کردار دی تعریف کیتی۔