آرمی چیف جنرل سید عاصم منیر نال امام مسجد نبوی ﷺ ڈاکٹر صالح بن محمد البدیر دی ملاقات

راولپنڈی۔9اگست(اے پی پی)پاک فوج دے سربراہ جنرل سید عاصم منیر نال امام مسجد نبوی ﷺ ڈاکٹر صالح بن محمد البدیر ملین۔ آئی ایس پی ݙسائے جو امام مسجد نبوی ﷺ ڈاکٹر صالح بن محمد البدیر جی ایچ کیو پڄین جتھاں آرمی چیف جنرل عاصم منیر انہاں کوں جی بسم اللہ آکھیے، آرمی چیف امام مسجد نبوی ﷺ دے دورہ پاکستان کوں پاکستانی عوام کیتے اعزاز قرار ݙتے۔ امام ڈاکٹر صالح البدیر آکھیا جو پاکستان دا مسلم ڄڳ اچ ٻہوں اہم مقام اے ڄیڑھا خطے اچ امن و استحکام کیتے ودھ کردار ادا کریندا پئے۔ ملاقات اچ انہاں پاک سعودی تعلقات تے اطمینان کیتے۔ امام مسجد نبوی ﷺ چھیکڑ تے مسلم امہ دے اتحاد، امن و استحکام کیتے دعا وی منڳی