پارلیمان دی بالادستی تے آئین و قانون دی حکمرانی اچ ملک دی ترقی دا راز لُکا ہویا اے ،سردار ایاز صادق

اسلام آباد۔10اگست(اے پی پی) اسپیکر قومی اسمبلی سردار ایاز صادق پہلی دستورساز اسمبلی دی 77ویں سالڳنڈھ دے موقع تے خصوصی سنھیے اچ آکھیے 10 اگست 1947 کوں دستور ساز اسمبلی دا پہلا اجلاس کراچی اچ تھیا ،دستور ساز اسمبلی دا قیام قائدین دی عوامی اتے جمہوری سوچ دا مظہر ہئی ،پارلیمان دی بالادستی تے آئین و قانون دی حکمرانی اچ ملک دی ترقی دا راز لُکا ہویا اے ۔ قومی اسمبلی سیکرٹریٹ  ڈائریکٹوریٹ جنرل آف میڈیا توں جاری اعلامیہ موجب سردار ایاز صادق آکھیے پارلیمان 25 کروڑ عوام دی نمائندگی کریندی اے ، عوام دی فلاح وبہبود اولین ترجیح  اے،پارلیمان تکڑی تھیسی تاں جمہوریت تکڑی تھیسی ۔ اسپیکرقومی اسمبلی مزید آکھیے پارلیمان دی بالادستی اتے آئین و قانون دی حکمرانی اچ ملک دی ترقی دا راز لُکا ہویا اے ،پارلیمان دے زریعے ہی ملک کوں مسئلیں توں کڈھیا ونڄ سڳدے ،پارلیمانی نظام دا تسلسل تے جمہوریت تکڑی کرݨ ملکی بقاء اتے سلامتی سانڳے ضروری اے۔سردار ایاز صادق آکھیے عوام اتے پارلیمان اچ تعلق تکڑا کرݨ سانڳے پارلیمان تئیں عوامی رسائی کوں ممکن بݨایا،نینگراں دی وݙی تعداد قومی اسمبلی اچ انٹرنشپ کریندی پئی اے ،شفافیت برقراررکھݨ سانڳے قومی اسمبلی نال جڑی عوامی معلومات تئیں رسائی یقینی بݨائی۔ ڈپٹی اسپیکر سید غلام مصطفیٰ شاہ  آکھیے پارلیمان دی مضبوطی اتے ملک اچ جمہوریت دا تسلسل ملک دی تعمیر و ترقی سانڳے ناگزیر اے، پارلیمان دے ذریعے موثر قانون سازی کرتےاساں ملک کوں ترقی دی رستے ٹور سڳدوں