سیالکوٹ۔11اگست(اے پی پی) وزیر دفاع خواجہ محمد آصف آکھیے آزادی ٻہوں وݙی نعمت اے، اساکوں ایندی قدر کرݨی چاہیدی اے ، مہذب قوماں اپݨا یوم آزادی مہذب طریقے نال منیندن ، یوم آزادی تے اساکوں اے تجدید عہد کرݨا چاہیدے جو اساں کہیں وی ملک دشمن عناصر دے کٹھے اصلوں نہ تھیسوں ۔ اے ڳالھ انہاں سیالکوٹ اچ اپݨی رہائش گاہ تے جشن آزادی دا کیک کٹݨ دی تقریب …
ملک دا تحفظ اتے تعمیر وترقی ساݙی ذمہ داری اے ، خواجہ محمد آصف
مزید خبراں
سیالکوٹ۔11اگست(اے پی پی) وزیر دفاع خواجہ محمد آصف آکھیے آزادی ٻہوں وݙی نعمت اے، اساکوں ایندی قدر کرݨی چاہیدی اے ، مہذب قوماں اپݨا یوم آزادی مہذب طریقے نال منیندن ، یوم آزادی تے اساکوں اے تجدید عہد کرݨا چاہیدے جو اساں کہیں وی ملک دشمن عناصر دے کٹھے اصلوں نہ تھیسوں ۔ اے ڳالھ انہاں سیالکوٹ اچ اپݨی رہائش گاہ تے جشن آزادی دا کیک کٹݨ دی تقریب اچ آکھی ۔ انھاں آکھیے 9 مئی دا واقعہ ھک سوچا سمجھا منصوبہ ہئی جیڑھا ناکام تھئے جیں اچ پی ٹی آئی دی قیادت سودھے انہاں دے ورکرز وطن عزیز دی خاطر اپݨیاں جاناں قربان کرݨ آلے شہدا دی یادگاراں تے حملے کیتے، دفاعی تنصیبات تے حملے کیتن تے شہداء دے مجسمیں کوں ڈھایا ڳئے اے سارا کجھ کرݨ آلے ملک دے وفادار تھی سڳدن کݙاہیں وی کائناں وطن سانڳے جان ݙیوݨ آلے قومی ہیرو ہن تے اساں آپݨے ہیرو کوں انہاں دی جدوجہد تے پاک بھارت دے مسلماناں سانڳے پاکستان دی شکل اچ ھک آزاد ریاست گھنݨ اچ اہم کردار نبھاوݨ تے خراج تحسین پیش کریندوں ۔ اے ملک ساݙے وݙیں عظیم قربانیاں توں ڳھدا ایندا تحفظ اتے تعمیر و ترقی ہݨ ساݙی ذمہ واری اے
