پاکستان آئین دے مطابق اقلیتاں دے حقوق دا تحفظ، ہکو ڄھیں مواقع ݙیوݨ کیتے پرعزم اے، صدر مملکت آصف علی زرداری دا اقلیتوں دے عالمی ݙینھ دی تقریب نال خطاب

اسلام آباد۔12اگست(اے پی پی)صدر مملکت آصف علی زرداری آکھیے جو پاکستان آئین دے مطابق اقلیتاں دے حقوق دا تحفظ، ہکو ڄھیں مواقع ݙیوݨ کیتے پرعزم اے۔ اے ڳالھ انہاں ایوان صدر اسلام آباد اچ اقلیتاں دے عالمی ݙینھ سانڳے تقریب نال خطاب کریندے آکھی۔ انہاں آکھیا جو اقلیتوں دے حقوق دا تحفظ آئینی ذمہ داری اے، سرکاری سطح تے اقلیتاں دے ݙینھ کوں مناوݨ دا مقصد پاکستان اچ وسݨ آلیاں مختلف مذہبی اقلیتی برادریاں دی خدمات کوں منݨ اے، اقلیتاں پاکستان دے ہکو سویں شہری ہین، انہاں کوں وی ٻنھاں شہریاں آلیاں کار حق حاصل ہین، صدر مملکت آکھیا جو قائداعظم دی تعلیمات تے مکمل عمل کرݨ دی لوڑھ اے تاں جو معاشرے اچ اتحاد، بھرا ٻھرپی اتے مذہبی رواداری ودھاوݨ اے۔ تقریب اچ اراکین پارلیمنٹ، علمائے کرام، مذہبی رہنماواں، سفارتی کور دے اراکین، میڈیا اتے مختلف اقلیتاں دے نمائنداں شرکت کیتی۔ صدر مملکت آکھیا جو”مودی دا بھارت اقلیتاں کیتے غیر محفوظ اے“، قائداعظم دی بصیرت آمیز شخصیت قیام پاکستان توں پہلے ہی حالات دا اندازہ لا ڳھدا ہا، پاکستان دے عوام ہمیشہ انسانیت دے ݙکھ اتے معاشرے دے ھیݨے طبقات دا درد محسوس کیتے اتے اتھاں وسݨ آلیاں اقلیتاں کوں مناسب احترام ݙتے۔ انہاں مختلف سرکاری محکمیاں اچ میرٹ تے ملازمتاں دے مواقع ودھاوݨ دے علاوہ اڄوکیاں ملازمتاں دا کوٹہ ودھاوݨ تے وی زور ݙتے۔ صدر مملکت غزہ اچ جاری اسرائیلی جارحیت دی مذمت کیتی۔