اسلام آباد۔12اگست(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو کلی معیشت دے اشاریے چنڳے تھیندے پن، آئی ایم ایف نال 9 مہینے دے سٹینڈ بائی معاہدے پاروں معیشت تکڑی تھئی اے، آئی ایم ایف نال معاہدہ معاشی استحکام دے تسلسل سانڳے کیتا ڳئے۔ او اسلام آباد اچ پیپسی کو دے چیف ایگزیکٹوآفیسر افریقہ و مڈل ایسٹ یوجین ولیمسن نال ملݨ ویلھے الیندے پئے ہن۔ ایں موقع …
وزیر خزانہ سینیٹر محمد اورنگزیب دی پیپسی کو دے چیف ایگزیکٹوآفیسر افریقہ و مڈل ایسٹ یوجین ولیمسن نال ملاقات
مزید خبراں
اسلام آباد۔12اگست(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو کلی معیشت دے اشاریے چنڳے تھیندے پن، آئی ایم ایف نال 9 مہینے دے سٹینڈ بائی معاہدے پاروں معیشت تکڑی تھئی اے، آئی ایم ایف نال معاہدہ معاشی استحکام دے تسلسل سانڳے کیتا ڳئے۔ او اسلام آباد اچ پیپسی کو دے چیف ایگزیکٹوآفیسر افریقہ و مڈل ایسٹ یوجین ولیمسن نال ملݨ ویلھے الیندے پئے ہن۔ ایں موقع تے کمپنی دے پاکستان اتے افغانستان کیتے سی ای او محمد کھوسہ وی موجود ہن۔ وزیر خزانہ مہمان کوں پاکستان دی اقتصادی صورتحال، کلی معیشت دے اشاریاں اچ بہتری، زرمبادلہ دے ذخائر، کرنسی دی صورتحال سودھ آئی ایم ایف نال سٹاف سطح معاہدے دا ݙسایا۔ انہاں توانائی دے شعبے اچ جاری اصلاحات، سرکاری اداراں دی تنظیم نو اتے ٹیکسیشن نظام اچ اصلاحات تے وی الایا۔ یوجین ولیمسن پاکستان اچ مثبت معاشی اشاریاں دی تعریف اتے مالیاتی شعبے اچ نمو دی تائید کریندے پاکستان اچ مسلسل اقتصادی ترقی ودھاوݨ سانڳے تعاون دا یقین ݙیوایا۔
