آرمی چیف دی ارشد ندیم سودھا ٻئے اولمپئینز اتے قومی ہیروز دے اعزاز اچ تقریب، ارشد ندیم دی کامیابی کوں قومی ماݨ قرار ݙتے

راولپنڈی۔16 اگست(اے پی پی)پاک فوج دے سربراہ جنرل سید عاصم منیر پاکستان کوں 40 سال بعد اولمپکس اچ سونے دا تمغہ جیتݨ آلے  ارشد ندیم دی کامیابی کوں قومی ماݨ قرار ݙتے۔ آئی ایس پی آر آکھیے جو آرمی چیف جنرل عاصم منیر قومی ہیرو جیولین تھرور ارشد ندیم اتے ٻئے اولمپیئنز اتے قومی ہیروز دے اعزاز اچ جی ایچ کیو دے آڈیٹوریم اچ اچ خصوصی تقریب رکھی اے جیندے اچ 1984 دی اولمپک اتے قومی ہاکی ٹیماں دے اولمپیئنز، قومی کرکٹ ٹیم سودھا ٻئے کھیݙاں دیاں ٹیماں، لیجنڈری اولمپیئنز، اسٹریٹ فٹبال ٹیم، آرمی پولو ٹیم، اکھیں توں متھاج کرکٹ ٹیم، ویمنز گول بال ٹیم، کامن ویلتھ دے میڈل ونرز، ایس اے ایف اتے پیرس اولمپکس 2024 اتے ایشن گیمز دے شرکاء سودھا قومی لیجنڈ جہانگیر خان، صلاح الدین، شہباز سینئر، سہیل عباس، محمد آصف اتے اعصام الحق وی شرکت کیتی۔

آرمی چیف پاکستان کیتے گولڈ میڈل جیتݨ اتے نواں اولمپک ریکارڈ ٻݨاوݨ تے ارشد ندیم دی کامیابی کوں قومی ماݨ قرار ݙیندے آکھیے جو ارشد ندیم اپݨے عزم، استقامت اتے بہترین کارکردگی نال اے اعزاز جیتئے، پوری قوم ارشد کوں انہاں دے کارنامے دے مطابق ماݨ ݙتے۔ آرمی چیف کھلاڑیاں دی مکمل حمایت اتے انہاں کوں با اختیار ٻݨاوݨ دا عزم دوہریندے آکھیے جو ہک خوشحال پاکستان کیتے نینگراں دی پوری حوصلہ افزائی کیتی ویسی۔

ارشد ندیم آرمی چیف جنرل عاصم منیر دا شکریہ ادا کریندے چیلنجاں تے قابو پاوݨ اتے کامیابی کیتے سخت محنت اتے ثابت قدمی ݙکھاوݨ دی اہمیت ودھائی۔