شمالی وزیرستان اچ سکیورٹی فورسز دا آپریشن، 3 خوارج جہنم وات تھی ڳن

راولپنڈی۔16 اگست(اے پی پی) شمالی وزیرستان اچ سکیورٹی فورسز دی کارروائی اچ 3 خوارج دہشتگرداں کوں جہنم واصل کر ݙتا ڳئے۔ پاک فوج دے شعبہ تعلقات عامہ (آئی ایس پی آر) دے مطابق سکیورٹی فورسز شمالی وزیرستان دے علاقے رزمک اچ آپریشن کیتے، آپریشن دہشت گرداں دے ہووݨ دی ݙس تے کیتا ڳئے۔ آئی ایس پی آر دے مطابق کارروائیاں اچ سکیورٹی فورسز اتے خوارج وچال شدید فائرنگ تھئی، جیندے نال فتنہ الخوارج دے 3 دہتشتگرد ماریے ڳن اتے ہک زخمی حالت اچ پکڑیا ڳئے۔ ماریے ونڄݨ آلے خوارج دہشتگردی دیاں کارروائیاں اتے معصوم شہریاں دی ٹارگٹ کلنگ اچ ملوث ہن۔ علاقے اچ ٻئے دہشتگرداں کوں ڳولݨ کیتے کلیئرنس آپریشن جاری اے، سکیورٹی فورسز ملک توں دہشتگردی دی لعنت مکاوݨ کیتے پُرعزم ہیں، ساݙے بہادر سپاہیاں دیاں اینڄھیاں قربانیاں ساݙا عزم ٻیا تکڑا کریندن۔