ݙاہ سال پہلے اڄ دے ݙینھ پارلیمنٹ دا گھیراؤ جمہوریت دے خلاف گھناؤنی سازش ہئی، سپیکر قومی اسمبلی

اسلام آباد۔19اگست (اے پی پی) سپیکرقومی اسمبلی سردار ایاز صادق 19 اگست 2014کوں پارلیمنٹ دا گھیرائو کرݨ کوں جمہوریت دے خلاف ہک گھناؤنی سازش قرار ݙیندیں ہوئیں آکھیا جو ایں واقعے دی جتنی مذمت کیتی ونڄے ڳھٹ اے۔ پارلیمنٹ دی عزت تے توقیر اتے حفاظت اساں ساریاں تے لازم اے۔ سنوار کوں سپیکرقومی اسمبلی پارلیمنٹ تے حملے دے 10سال پورےتھیوݨ تے آپݨے سنیھے اچ آکھیا جو 19 اگست 2014 دا ݙینھ ملک دی تاریخ اچ کالا ݙینھ دے طور یاد رکھیا ویسی۔ سپیکر آکھیا جو پارلیمنٹ ملک دا اعلیٰ ترین ادارہ، جمہوریت دی بنیاد اتے عوامی امنگاں دا ترجمان اے۔ انہاں آکھیا جو پارلیمنٹ دی عزت تے توقیر اساں ساریاں تے لازمی اے۔