وزیر اعظم شہباز شریف دا پائلٹ آفیسر راشد منہاس نشانِ حیدر کوں انہاں دے 53 ویں یوم شہادت تے خراج عقیدت

اسلام آباد۔20اگست  (اے پی پی) وزیر اعظم شہباز شریف دا پائلٹ آفیسر راشد منہاس نشانِ حیدر کوں انہاں دے 53 ویں یوم شہادت تے خراج عقیدت پیش کریندیں ہوئیں آکھیا جو پائلٹ آفیسر راشد منہاس دی فرض شناسی، ہمت تے بہادری اتے وطن دی حفاظت دے عہد دی پاسداری نینگر نسل کیتے ہک مثال اے۔ منگل کوں وزیراعظم آفس دے میڈیا ونگ توں جاری بیان موجب وزیراعظم آکھیا جو پائلٹ آفیسر راشد منہاس نشان حیدر جرأت تے بہادری دی عظیم مثال قائم کریندیں ہوئیں شہید تھیے۔ پائلٹ آفیسر راشد منہاس نشان حیدر آپݨی جان دی قربانی ݙے تے ملک دشمن غدار دے ناپاک عزائم کوں مٹی اچ پاتا۔ انہاں آکھیا جو پائلٹ آفیسر راشد منہاس دی فرض شناسی، ہمت تے بہادری اتے وطن دی حفاظت دے عہد دی پاسداری نینگر نسل کیتے ہک مثال اے۔قوم پاکستان دی فوج دے نینگراں دے افسراں دی وطن کیتے قربانیاں کوں کݙاہیں نی بھل سڳدی۔