صارفین تے مہانگی بجلی دا ٻھار ڳھٹاوݨ دی پوری کوشش اے، وفاقی وزیر پاور ڈویژن

اسلام آباد۔20اگست(اے پی پی)وفاقی وزیر توانائی (پاور ڈویژن) سردار اویس احمد خان لغاری آکھیے جو صارفین تے مہانگی بجلی دا ٻھار ڳھٹاوݨ کیتے پوری کوشش اے، توانائی دے شعبہ اچ اصلاحات ٻہوں ضروری ہین، حکومت آئی پی پیز بارے عوام کوں تیکھے خوشخبری ݙیسی۔ اسلام آباد اچ یوتھ کنونشن نال خطاب اچ انہاں آکھیا جو بجلی مہانگی اے ٻھل سستی بجلی پیدا کرݨ کیتے اقدامات کریندے پئے ہیں، بجلی یونٹ دے ریٹ اچ کمی نال عوام تے ٻھار ڳھٹسی، ملک اچ صنعتی پیداوار ودھݨ ضروری اے، سیالے اچ بجلی دے بہتر استعمال کیتے صنعتی پیداوار ودھاوݨی ہوسی اتے توانائی دی کھپت پوری کرݨ کیتے نویں پلانٹس لاوݨے ہوسن۔ انہاں آکھیا جو توانائی دی پیداوار دے غلط اعداد و شمار ݙتے ویندن، ایں ویلھے ساݙی 29 ہزار میگا واٹ بجلی پیدا کرݨ دی صلاحیت اے، ڄیکر اساں 2 گھنٹے دی لوڈشیڈنگ برداشت کروں تاں 50 ارب روپے دی بچت تھیسی، اساں خطے اچ سب توں مہانڳی بجلی ݙیندے پئے ہیں اتے ڈالر پاروں کیپسٹی پیمنٹ ودھین، انڈسٹری کوں بجاوݨ کیتے ڳھٹ مل تے بجلی ݙیندے پئے ہیں جیندا ٻھار حکومت برداشت کریندی اے۔ انہاں آکھیا جو آئی پی پیز بارے ٹاسک فورس ٻݨائی اے اتے قوم کوں ہک ݙو مہینے اچ چنڳی خبر ملسی، حکومت دے آئی پی پیز نال عالمی معاہدیاں تے عمل کرݨ وی ضروری اے۔