سمگلنگ دے ناسور دے ملک توں خاتمے کیتے سارے ادارے آپݨی کوششاں تیز کرن، وزیراعظم محمد شہبازشریف

اسلام آباد۔21اگست  (اے پی پی) وزیراعظم محمد شہبازشریف آکھیا جو سمگلنگ دے ناسور دے ملک توں خاتمے کیتے سارے ادارے آپݨی کوششاں تیز کرن۔ سمگلنگ اچ ملوثن لوکاں کوں پاکستان دی معیشت دا ضیان نہ کرݨ ݙیسوں۔ بدھ کوں وزیراعظم آفس دے میڈیاونگ توں جاری بیان موجب اے ڳالھیں انہاں آپݨی صدارت سمگلنگ روکݨ بارے جائزہ اجلاس اچ ڳالھ مہاڑ کریندیں ہوئیں آکھی۔

اجلاس اچ وفاقی وزراء جام کمال خان، احد خان چیمہ، محمد اورنگزیب، عطاء اللہ تارڑ، سید محسن رضا نقوی، رانا تنویر حسین، ڈاکٹر مصدق ملک، ڈپٹی چیئرمین پلاننگ کمیشن جہانزیب خان، وزیرِ اعظم دے کوآرڈینیٹر رانا احسان افضل، چاروں صوبیں دے چیف سیکرٹریز اتے متعلقہ اعلی حکام شریک تھیے۔ اجلاس اچ وزیراعظم سمگلنگ دے خلاف اقدامات کوں بیا موثر اتے تیز کرݨ دی ہدایت کیتی اے۔

وزیراعظم آکھیا جو سمگلنگ اچ ملوث لوکاں کوں قطعی طور پاکستان دی معیشت دا ضیان نہ کرݨ ݙیسوں۔ سمگلنگ اچ ملوث لوکاں اتے انہاں دے سہولت کاراں دے نال نال ٹرانسپورٹرز دی سمگلنگ اچ استعمال تھیوݨ آلیاں ڳاݙیاں کوں ضبط کر تے انہاں دے خلاف کاروائی کیتی ونڄے۔  ایف بی آر، وزارت داخلہ اتے ٻئے ادارے آپت اچ تعاون تیز کرن۔ انہاں آکھیا جو سرحدی علاقیاں اچ لوکاں کوں روزگار دے موقع ݙیوݨ کیتے ہک جامع حکمت عملی ٻݨا تے پیش کیتی ونڄے۔ سمگلنگ دے ناسور دے ملک توں خاتمے کیتے سارے ادارے آپݨی کوششاں تیز کرن۔

اجلاس کوں سمگلنگ روکݨ اتے انہاں دے ہݨ تئیں دے نتیجے تے تفصیلی بریفنگ ݙتی ڳئی۔ بریفنگ اچ ݙسیا ڳئیا جو وزارت داخلہ دی نگرانی سمگلنگ روکݨ کیتے ملک گیر مہم جاری اے۔  پیٹرولیم مصنوعات، سگریٹ، موبائل فون، سونا، چاہ، کپڑے، اشیاءِ ضروریہ، ٹائرز اتے گاݙیاں دے پرزیاں دی سمگلنگ دے خلاف اقدامات کیتے ویندے پئن۔ بریفنگ اچ ݙسیا ڳئیا جو وزیراعظم دی ہدایت تے 54 سانجھی چیک پوسٹاں ٻݨائی ڳئن۔ نان کسٹم ڳاݙیاں دی سنجاݨ اتے انہاں دی میپنگ کیتے نظام دا اجراء چھیکڑی مرحلے اچ اے۔ پاکستان لینڈ پورٹ اتھارٹی ٻݨاوݨ کیتے قانون سازی دا مسودہ چھیکڑی مرحلے اچ اے۔ اجلاس کوں انسدادِ اسمگلنگ دی مہم دی ہݨ تئیں دی کارکردگی تے رپورٹ وی پیش کیتی

ڳئی۔ افغان ٹرانزٹ ٹریڈ اچ شامل 212 اچ شامل ایجھی شئیں دی سمگلنگ دا خطرہ ہئی دی نشاندہی کر تے انہاں تے پابندی  لاتی ڳئی اے۔ ضروری لوڑھ دی شہیں دی سمگلنگ اچ ڳھٹکی دے نال نال پٹرولیم مصنوعات دی سمگلنگ اچ ملوث پنڄاہ فیصد تئیں ڳھٹکی تھئی اے۔ کھنڈ دی سمگلنگ اچ اسی فیصد ڳھٹکی دے نال نال ٻئی کھاوݨ پیوݨ دی شئیں دی سمگلنگ وی ڳھٹ تھئی اے۔ مالی سال 2023-24 اچ سمگلنگ دی کوششاں ناکام کر تے ضبط کیتی ڳئی ائیں دی مالیت 106 ارب روپے اے۔ سمگلنگ اچ ملی بھگت کرݨ آلے افسراں دے خلاف کاروائی بارے وی اجلاس کوں تفصیلی طور ݙسیا ڳئیا۔  سمگلنگ اچ ملوث عناصر، ٹرانسپورٹرز اتے انہاں دے سہولت کاراں دی سنڄاݨ دا عمل تیزی نال جاری اے۔ ایں بارے نادارا، ایکسائز اتے ٻئے اداریاں دے ڈیٹا بیس توں مدد ڳھدی ویندی پئی اے۔